蕭正楠拋愛妻論表現對黃翠如忠誠 笑指答「單身好」回家有手尾跟Edwin Siu 蕭正楠 早前宣布將為人父，太太 黃翠如 Priscilla Wong 懷有身孕，阿蕭近日亮相TVB辯論形式綜藝節目《今晚乜都拗》，最新呢集講「單身好啲定結婚好啲」，阿蕭係支持結婚嘅藝人代表，見阿蕭喺全集表現「求生欲」超高，不時高調展示對老婆黃翠如嘅忠誠。阿蕭喺節目中被問單身好定結婚好，阿蕭搞笑地唱好婚姻，話若果答「單身好」，返屋企就唔輕鬆，有好多嘢要跟尾，所以絕對係「結婚好」，阿蕭覺得婚後嘅自己比以前更加好，做一個更加好嘅人，比以前更識得關懷身邊嘅人，想翠如生活得更舒服，就要幫太太處理一啲事，就會懂得照顧別人，阿蕭認為婚姻可以令一個人進步。至於 「單身好」嘅代表藝人 潘盈慧 Adwinner Poon 就話離婚率不斷攀升，每年平均接近兩萬宗離婚個案，而 周奕瑋 Jarvis Chow 笑指知道翠如係一個非常好嘅老婆，令阿蕭進步，不過「呢個世界唔係所有老婆都係黃翠如」嚟㗎嘛，Jarvis舉例話單身有財政自由、時間自由、人生選擇嘅自由，有時為咗兩個人緊密相處，就冇機會個人進步。阿蕭被追問婚後係咪冇自由，阿蕭先係發呆，然後笑到唔識停，叫大家唔好講佢個case，好驚自己講錯嘢，跟住阿蕭就話要自己分配好時間，照顧完太太，仲有好多私人時間，佢唔覺婚後冇晒自由。潘盈慧之後點名問阿蕭婚後可唔可以單獨同女性出街食飯，阿蕭直言唔係太太唔畀，係自己唔想咁做，令全場拍掌歡呼，主持森美笑言睇到阿蕭眼神有啲淚光。阿蕭全程表現極高「求生意志」之外，亦睇得出佢真係好愛老婆。#蕭正楠 #太太 #黃翠如 #今晚乜都拗 #單身好 #結婚好 #潘盈慧 #周奕瑋 #森美 #單獨 #女性 #出街食飯萧正楠
蕭正楠拋愛妻論表現對黃翠如忠誠 笑指答「單身好」回家有手尾跟
