鮮娛糧︱陳凱琳神還原定情作《殭》 一人分飾兩角扮埋鄭嘉穎女星陳凱琳同老公鄭嘉穎因合作劇集《殭》定情，但近年已再冇拍新劇，近日佢戲癮大發，拍片重演《殭》，更一人分飾兩角，除飾演原本的角色Yoyo外，仲扮埋老公鄭嘉穎飾演的「邢活著」，於深宵食堂分別化身食客及廚師，七情上面過足戲癮。其演出連鄭嘉穎都大讚，仲喺社交網轉發並留言：「老婆你係得嘅，依家仲玩到要扮埋我嘅角色」，又笑言：「下次搵埋我呀嘛」，令人期待兩公婆再合作演戲。陳凱琳與鄭嘉穎因《殭》定情。陳凱琳重演《殭》。仲扮埋老公個角色。過足戲癮。鄭嘉穎都話正！另外，陳凱琳（Grace）與媽媽劉惠嫺結伴到新城接受訪問，Grace作為三個兒子的媽咪，同時又是藝人和KOL，而老公鄭嘉穎的演藝工作亦十分繁忙，對於如何分工照顧兒子？Grace透露嘉穎育兒方面比她嚴肅，自己則是慈母。Grace表示：「佢（老公）都唔想做衰人嘅，但做媽咪永遠都係慈母，所以佢就變咗呢個角色，不過我哋都有個共識，有啲嘢唔可以太鬆，例如過馬路一定要拖住，我哋就會較嚴肅去教小朋友，因為關乎危險，我哋就會統一啲。」Connie則大爆3個孫仔精力旺盛，但性格大相逕庭：「大孫仔好活潑，佢見到乜就會聯想到第二樣嘢，個人好有公義；二孫仔好鍾意砌Puzzle，佢上嚟我屋企會坐埋一邊自己砌；最細嘅孫仔成日周圍走，又要搵我隻貓，又鍾意淋花，好活躍。」Grace指自己非常樂意成為一位母親，但最重要調整好時間，盡量每件事都做好，嘉穎亦經常提醒她：「佢話做人唔可以咁貪心乜都做晒，反而一樣一樣做先可以做滿分。我老公價值觀方面非常好，從小就畀啲仔知道錢唔係必然，係要賺番嚟，喺屋企我哋會比啲家務佢哋做，例如執碗或揼吓骨，畀一兩蚊佢哋，唔係攤大手板就會有錢。」她亦希望家中3位公子將來可以互相幫助，兄弟情永不變：「佢哋打交係必然，但打還打，希望佢哋會愛惜對方，將來哥哥或細佬需要幫忙，都要盡量去幫，因為佢係你嘅家人，呢個愛係無可取替。」陳凱琳與媽媽一齊受訪！陳凱琳與媽媽攬攬！陈凯琳郑嘉颖
鮮娛糧︱陳凱琳神還原定情作《殭》 一人分飾兩角扮埋鄭嘉穎
