胡杏兒禁食晒腹肌 Alina圓夢踏時裝周藝人胡杏兒和MIRROR成員Stanley的女友李炘頤現身米蘭時裝周，杏兒為展示腹肌，事前刻意禁食，完騷後立即大開「食」戒。而MIRROR人氣王Anson Lo首次亮相米蘭時裝周，獲著名設計師親自招待，相當犀利。胡杏兒身穿Bra Top晒腹肌，型格之餘不失性感。胡杏兒和男團MIRROR成員Stanley的女友李炘頤（Alina）獲邀赴米蘭睇騷。Alina首次踏足時裝周心情興奮，又開心遇到歌手馬天佑和倪晨曦。她自爆出發前一個星期都失眠：「每晚都諗緊嗰日妝同頭點樣表現好啲，最緊要係夢想實現同Bucket List又多一個Tick。」談到郭富城的愛妻方媛在米蘭被搶包包一事，她表示過去多次歐遊也未發生意外，感覺好彩：「不過有個朋友喺條街度無啦啦畀人從後偷襲打背脊，我嗰時行前面唔知發生咩事，奉勸大家小心，除咗會畀人偷嘢，仲會畀人打。」胡杏兒人氣高企。至於胡杏兒身穿大地色短褸和長裙，內裏僅穿Bra Top晒出結實腹肌，展示健康性感美。但美麗的背後，杏兒亦下了不少工夫，特意在出發前禁食，以展現最完美身材。完騷後，她便和工作團隊到當地一間中餐店醫肚，有粉絲分享偶遇杏兒的合照，大讚她身材Fit到漏，難以相信她已是3子之母。杏兒亦大讚時裝騷好睇，表示：「時裝騷啲衫太靚，尤其鍾意棗紅色系，秉承簡約及Women Power嘅感覺。」胡杏兒睇時裝騷。Anson Lo收花冇停手之前曾去過巴黎時裝周的Anson Lo和蔡卓妍，今次是首度參加米蘭時裝周。Anson Lo抵埗時獲大批粉絲接機，收下不少鮮花。其後，他還在社交平台晒出與著名設計師Giuseppe Zanotti的合照，表示：「經過多次Zoom Meeting之後，第一次見到真人，愛你，也尊重你的工作。」至於蔡卓妍就表示此行感覺好新鮮，當日以T恤搭配牛仔褲上陣的她，展示了簡約又型格的一面，她表示：「好期待喺米蘭食到好嘢及好玩嘅嘢。」Alina首次進軍時裝周，難免感到興奮。Alina街拍留倩影。Anson Lo剛抵埗便收到粉絲獻花。Anson Lo孖設計師合照，認真威水。Anson Lo望窗外景色。蔡卓妍以簡約打扮現身，以隨性風格取勝。胡杏儿
胡杏兒禁食晒腹肌 Alina圓夢踏時裝周
