冼靖峰走勻港九新界拍節目 自爆罕有流下男兒淚歌手冼靖峰（Archie）近日忙於拍攝無綫節目《香港原味道》，隨攝影隊走遍香港、九龍及新界，去發掘風土人情。他笑說：「節目內我哋上天下海咁，鈎魚、耕田、搓麵粉乜都試過，為我嚟講都幾新鮮。4月初就出街嘞，希望觀眾多多支持啦。」談到拍攝時的難忘事，他感性透露：「首集我要去同買圍村粉仔嘅一位姨姨傾偈，佢講家事喊爆，其中更提到姐弟情，唔知點解令我即時諗起自己細佬，搞到我都喊埋一份呀﹗」冼靖峰忙拍《香港原味道》。走勻港九新界。都有唔少感動故事。Archie出道3年多，一直獲得粉絲們鼎力支持，日前他與歌迷舉行燒烤活動，彼此閒話家常，度過了愉快的一天。他說：「真係好多謝佢哋，對我不離不棄。嗰日除咗燒嘢食仲有切燒豬，我就清唱咗幾段歌曲，算係用行動多謝佢哋啦，咁我當然會繼續努力回報大家。」冼靖峰與歌迷BBQ。打成一片。與眾同樂。冼靖峰
冼靖峰走勻港九新界拍節目 自爆罕有流下男兒淚
