羅啟豪歌迷會領獎成娛圈創舉 本尊有意投身社企行列中年好聲音歌手羅啟豪日前代表其歌迷會「豪吧」領取「卓越支持社企機構大獎」，這是首次有歌迷會獲得此項殊榮，成為娛樂圈創舉，啟豪大讚歌迷會有心：「過去兩年舉辦咗好多好有意義嘅項目，例如將十個唔同社企嘅產品包裝成禮籃，又免費安排攤位畀幾間社企去推廣同售賣產品，今次收到通知獲獎，真係好榮幸、好意外！」羅啟豪透露未來有意投身社企行列：「我從細到大受社交焦慮同濕疹嘅影響，唔敢企上台唱歌，所以我想創立一個表演空間，為社交焦慮症患者提供安全嘅『小型 open mic （開放麥克風）舞台』，畀佢哋透過音樂、演講、即興表演克服心理障礙，仲打算設計『音樂社交治療課程』，畀學員透過唱歌、發聲訓練，提升自信同溝通能力。」計劃多多的啟豪補充：「我仲想設立『安心錄音室』，畀害怕面對群眾嘅創作人，能夠安心錄製音樂或者做直播演出！」他坦言之前從未涉足生意，眼見姊姊曾開過法國餐廳，令他深深明白生意難做：「餐廳開業初期，我幫手做過經理，同埋做室內平面設計，點知撞正疫情，唔可以堂食，亂晒陣腳！」威水！羅啟豪代表歌迷會「豪吧」領取「卓越支持社企機構大獎」。有意投身社企。罗启豪
羅啟豪歌迷會領獎成娛圈創舉 本尊有意投身社企行列
