孫慧雪難忘入行扮死屍辛酸 曾比特自薦想拍多啲戲藝人孫慧雪（阿雪）、曾比特及陳蕾今午（4日）現身啟德體育園出席活動。阿雪帶同7歲大兒子到場，參加「小劍神」選拔賽，原來今年乃她入行20周年，談到名利得失，阿雪不諱言：「大部分時間都開心嘅，最難忘係初初拍劇扮死屍，試過被吊起幾粒鐘磈面仲要貼住好多稻草，搞到皮膚敏感，搭車返屋企真係喊咗出嚟﹗」樂天的她直言可能經過這些捱更抵夜的日子，體能上算訓練有素，故對及後懷孕及照顧小朋友，總算應付自如。剛從內地返港的曾比特，透露稍後又要拆返大陸拍攝歌唱節目。對於好兄弟魏浚笙（Jeffrey）拍戲受傷，他直言亦有傳短訊問候，但不想打擾對方休息，當提到早前他亦染指影壇，客串演出電影《臨時劫案》獲受好評，會否有興趣效法Jeffrey多接戲，他笑言：「我都想，覺得拍笑片同恐怖片好好玩，但暫時都未有機會畀我作出嘗試，希望多啲導演搵我啦。」孫慧雪入行20周年。孫慧雪難忘入行扮死屍辛酸。孫慧雪帶同兒子撐場。曾比特透露稍後又要拆返大陸拍攝歌唱節目。孙慧雪曾比特
孫慧雪難忘入行扮死屍辛酸 曾比特自薦想拍多啲戲
