張曦雯生日開工驚喜切Cake 陳豪拍外景任影唔嬲藝人張曦雯（Kelly）尋日（11日）35歲生日，早前已經自爆生日要開工嘅佢，獲新劇《俠醫》一眾台前幕後為佢驚喜慶生，當中就見到男主角陳豪、譚凱琪等現身，仲拎出畫有Kelly Q版Look嘅蛋糕現身，生日牌更寫上「Happy Birthday妹」，個個當佢自己個妹咁錫，搞到Kelly都好冧豬，即刻要影低放上Story同大家開心share。張曦雯（中）雖然生日要開工度過，不過佢獲萬千寵愛。你睇幾多人為佢慶生就知多人錫。而集萬千寵愛在一身嘅佢，都繼續為新劇忙個不停，近日佢又被拍得同陳豪、Kelly等現身街頭拍外景，吸引不少街坊駐足圍觀。靚仔靚女同場，自然大家都機不離手影唔停，出名Nice爆嘅陳豪更加係對住鏡頭面露微笑，仲坐定定直豎拇指；Kelly就一身清純打扮向大家晒V，乖巧模樣又再美出新高度。陳豪拍外景坐定定畀手指公。Nice到咁得唔得㗎。好有鏡頭觸角。張曦雯乖女Look美出新高度。陈豪張曦雯Kelly
張曦雯生日開工驚喜切Cake 陳豪拍外景任影唔嬲
