陳豪生活壓力大 珍惜所有工作機會視帝陳豪今日（16日）現身《2025TVB年中節目巡禮》，他透露今年有一套劇集《俠醫》，自言有劇拍已經好好，講到近月非常忙碌，他說：「4月最忙，因為係自己、太太及女兒生日，5月就係兩個哥哥嘅生日，自己又有劇要拍，所以時間控制上有難度，好在母親節可以度到時間慶祝。」有指他壓力爆煲，他笑言多謝大家關心：「我同大家一樣都係備受生活壓力，但能為家人付出自己都好榮幸。（話你不停搵工作，好大負擔？）今時今日好明白，大家生活辛苦，喺娛樂圈有工作會好好珍惜，做得更好，以換來更多工作機會。（係咪搞到壓力禿？）係舊料。（太太讚你點都係咁靚仔？）多謝，有太太頂住。」他坦承工作多，既有商演又有廣告，但也會抽空休息，不能去得太盡，只是剛好所有工作都擠在一起，加上《俠醫》拍攝緊湊，令他想起入行初時的日子。至於咖啡店生意，他說：「OK，一般般，唔算差又唔算好好，穩步上揚，做咖啡店少本啲，唔似餐廳咁大成本，暫時經濟情況應該影響唔到大家買杯咖啡。」陳豪生活壓力大。陳豪珍惜所有工作機會。陈豪
陳豪生活壓力大 珍惜所有工作機會
