吳業坤唔錄歌拍劇請假入空手道港隊：我係香港運動員

吳業坤唔錄歌拍劇請假入空手道港隊：我係香港運動員歌手吳業坤早前入選香港空手道初級代表隊，尋日（26日）終於傳嚟好消息，佢宣布自己已成功加入空手道港隊！佢喺社交網晒出多張比賽照，表示自己早前為入港隊，除左考黑帶外，更不惜唔錄歌、拍劇請假等，放低藝人身份去操練及比賽，有志者事竟成，依家如願成為香港運動員。吳業坤今次真係威到盡喇！佢依家係香港運動員喇。佢以長篇留言剖白一路以嚟嘅心聲，佢指由上年年尾第一次打公開賽攞到成績，終於可以入到香港空手道初級代表隊，到近嚟再去烏茲別克參加選拔賽等，雖然明知自己水平未夠，更好有可能會受傷，但佢都勇字擺心口代表香港出賽：「但如果唔去唔知仲有冇機會可以代表香港出賽 所以決定再任性一次 感謝各位大老比我唔錄歌住拍劇請假去左9日 亦都多謝隨團教練同隊友嘅接納 今次去到見識到世界級嘅選手知道自己有幾渺小 雖然輸了但果種痛快是無可取代的 一日仲郁得我都會練得再好啲下次再打得好啲 估唔到我都可以講一聲：『我係香港運動員。』（兼職）」真係威頭盡！佢留言雖然今次輸咗比賽，但贏咗港隊身份，連佢自己都估唔到，仲承諾會剪片畀大家睇佢今次叻仔出賽嘅表現添。為咗苦練空手道，佢直頭唔錄歌、拍劇請假。依家佢身份又多一個加分項。三字頭都可以入港隊！佢仲講到明嚟緊會有片睇添。吴业坤