莊思敏被爆餐廳輪住嚟試一支煙 片段流出即Po相公審爆料者？近日網上就流出一段有關藝人莊思敏的片段，片中見她公然在餐廳內抽煙！然而，香港實施室內禁煙已接近20年，該片段即時引起熱議。從片中環境可推斷，莊思敏當時正身處北角一間餐廳。片段所見，她當時吞雲吐霧，再將煙狀物傳給身旁的男友人。另一條片又見到她心情靚爆，邊聽着茄子蛋的《浪子回頭》邊搖擺身體跟住唱，而此時男友人又再將煙傳給另一人。Po出該片段的網民說：「莊思敏and無品friends餐廳食雪茄，係咪當咗自己私竇呀😃自私X」另有網民有笑指：「可能近排的士牌價大跌！所以壓力太大😂😂😂！」有人鬧爆她在室內抽煙，畢竟犯法就是犯法，另一方面有網民認為她抽的不似雪茄，留言：「Share得點會係茄？」、「雪茄會Pass？」另外也有人覺得，既然能公然抽煙應該是得到餐廳許可，或許當時她正參與私人派對，又表示其實即使違法都只不過罰款$1,500，對貴為拿督千金的莊思敏來說根本只是濕濕碎。最弔詭是莊思敏昨晚（13日）發文，疑回應事件，她貼出一個女生的照片，對方當時與她身處同一餐廳，估計為拍片者。莊思敏表示：「我有個朋友仔想認識下呢位靚女😍。Facebook大神可唔可以做個紅娘，有冇人識呀？」網民就斥責她作為公眾人物，不但不為自己的違規行為道歉，更公審及疑似威嚇拍片者，極不可取。而大約2小時後，莊思敏就將此貼文刪去。莊思敏惹來是非。被爆餐廳內吞雲吐霧。見佢吸完一啖就傳遞煙仔。男友人接過就跟住抽，被網民質疑就算是煙和雪茄為甚麼會輪住嚟抽！莊思敏全晚心情大靚！簡直滿場飛。開心到呢！網民熱烈討論。莊思敏Po上載者照片，跟住又Del Post。莊思敏接受東網訪問，對於室內抽煙一事，好說：「首先嗰支係雪茄仔。如果係我食嘅，佢點會冇我食煙同噴煙相，我係pass咋。當時亦唔係打開門做生意，所以其他人都比較放鬆。不過anyway，下次會注意下！」反貼拍攝者張相，公審Po相者？點解後來刪相？她說：「因為是誤會，有個friend唔記得咗佢叫咩名，想揾吓，我忘記了我個私人社交網，依家link住咗另一個社交網，所以變咗公開post！」問拍片是何許人？她說：「我都唔知呀，都係個老闆friend啲friend！今次發生咁大嘅誤會， 搞笑。」庄思敏
莊思敏被爆餐廳輪住嚟試一支煙 片段流出即Po相公審爆料者？
