高鈞賢「複製」父愛　珍惜湊女時光

高鈞賢「複製」父愛　珍惜湊女時光藝人高鈞賢早前升呢人夫，亦剛為人父，今個父親節倍添意義，因為是他與寶貝女Liona共度的首個父親節，而他跟一對繼子女感情要好，視如己出，對於繼女渴望改姓高，令他大感欣慰。而身份的改變同時令工作量大增，7月會他會舉行首個音樂會，下一目標想參演舞台劇。藝人高鈞賢（Matthew）去年底宣布與圈外女友Christine結婚，他們的愛情結晶品Liona出世後，一家三口幸福滿滿，女兒現在4個多月大，自女兒出世後，迎來不少「BB」工作機會，他笑言：「阿女奶粉錢是她自己賺回來。」雖然現時他正忙於拍攝新劇《新聞女王2》，但他一有時間就會黐實女兒，獻給父愛，他謂：「我爸爸係一個絕世好男人，直到依家佢同我媽咪個電話都冇上網功能，佢兩個有對方就可以，而所有精力就放晒喺我同家姐身上，所以我都希望有爸爸嗰種對家庭嘅愛同責任感。」當年他兩歲生日時，爸爸抱着他拍了一張親密照，今日父親節，Matthew即抱着囡囡「複製」一張，留為紀念。Matthew又謂：「BB朝早係最活潑嘅，所以有時我收工幾攰都好，都會同佢玩一陣，享受兩父女嘅獨處時光。」高鈞賢經常香港、內地兩邊走。今年是高鈞賢做爸爸後首個父親節，格外有意義。高鈞賢7月會舉行首個音樂會，下一目標想參演舞台劇。高鈞賢對於繼女渴望改姓高，令他大感欣慰。高鈞賢兩歲生日時，爸爸抱着他拍了一張親密照。高鈞賢「神還原」父親當年抱着他的合照。這幾年Matthew都有不少工作機會，香港、內地兩邊走，他即將有新挑戰，下月25日於廣州舉行首個音樂會，事緣早前因在直播唱歌，獲主辦方賞識，促成今次音樂會，Matthew又密謀籌備舞台劇，希望作更多新嘗試。不過他直言不捨得離開女兒太久，工作上會作出取捨，他感慨地說：「囡囡4個月大，到佢20歲時我都60歲，如果放晒時間做嘢就陪唔到佢，媽媽乳癌依家仲要化療、電療，想多啲陪屋企人。」太太上一段婚姻與前夫育有一對子女，分別11歲繼子和10歲繼女，早前繼女一個要求，讓他心完全融化：「佢同太太講想改姓高，我細個喺加拿大生活，見好多同學同繼父母相處融洽，西方係好普遍，我付出嘅愛係不求回報，等佢再大啲自己決定啦！」高鈞賢帶女兒游水。可愛到爆！高鈞賢一有時間就陪囡囡。幸福滿瀉！高钧贤