【On·cc】周家蔚想晒性感細仔唔批 洪天明打算安排兩個仔到杭州讀書藝人洪天明與太太周家蔚今日（16日）帶同大仔洪大仁，一家三口現身《大師兄 Welcome Summer 大激戰》記者會，家蔚透露節目中有泳裝上陣，但笑指是「包到上頸」。問到是否老公不准性感？天明即否認説：「我點會唔批，係細仔唔批，佢係管家，連着短裙都唔得，遺傳咗阿媽嘅執着同脾氣。」語畢即被家蔚笑駡他同一番話不斷重提好悶。家蔚透露今次難得邀請了「七姊妹」中的周家怡和湯盈盈一起玩遊戲，笑稱雖然年紀大了，但以往未有機會玩過水上遊戲故都想一試。天明亦透露原先想邀好友謝天華來玩，但笑指考慮到體能因素故改邀較後生的衛志豪，又指在決賽當日因太太要為好姊妹佘詩曼慶生，因此找來鄺潔楹和劉穎鏇幫忙。他笑稱以這個年紀玩遊戲幾乎令他虛脫，不過家蔚即大讚老公勁：「我欣賞天明，呢個年紀仲有力，勁過啲後生仔。」談到工作，近年多在內地工作的天明，透露想多返港工作可以多見家人，更直言想拍劇，現時主力在內地發展以「洪家班」班底經營的品牌，透露稍後可能會兼營食品，亦有意安排兩個兒子到杭州讀書：「老竇（洪金寶）就唔想，話杭州太遠怕好難見到兩個孫仔。」家蔚則笑稱屆時會輪到自己做「太空人」，因自己在港有生意，亦透露近日客串了老公有份演出的劇集。談到大仔被讚似韓國Oppa，天明表示不希望仔仔入行，但一切留待仔仔長大後自己選擇。洪天明與太太周家蔚帶埋大仔現身。周家蔚想晒泳裝，但細仔唔批准。 傾咩呢？洪天明想安排兩個仔到杭州讀書。周家蔚洪天明
【On·cc】周家蔚想晒性感細仔唔批 洪天明打算安排兩個仔到杭州讀書
