愈忙愈開心 陳凱琳有另一半撐感滿足藝人陳凱琳（Grace）與拍檔今年推出朱古力品牌，以Pop-up store限定店形式，之前去過中環超市做Pop-up，之後去過西貢做一日快閃，近日她們再次出動，今次仲帶同本地插畫家蘇泳康筆下的角色「大麻成」一同殺入沙田，成個人咁高的大麻成一出現，立即引起途人注意。對於第二次限定店街坊反應熱烈，Grace表示滿意，希望慢慢經營另一面的自己，「我本身好鍾意食甜品，同自己理念相同，又係自己鍾意嘅嘢係好開心，下一站計劃緊去番中環，（會開實體店？）想去多啲唔同區先，再睇邊個地方最好，（老公鄭嘉穎點支持？）之前嘉穎帶埋3個仔嚟西貢撐！」她說每次落店接觸客人都有不一樣的體驗，「有次遇到一位叔叔，佢問我點解要做得咁辛苦，我話唔辛苦因為我好享受，佢就即刻支持幫襯。」陳凱琳與拍擋今年創立自家朱古力品牌。日前殺入沙田做限定店。鄭嘉穎之前帶住三個仔撐太太的西貢快閃一日店。陈凯琳
愈忙愈開心 陳凱琳有另一半撐感滿足
