刑偵12︱陳自瑤探監戲情緒爆發 喊到面容抽搐仍不失仙氣無綫熱播劇《刑偵12》劇情高潮迭起、有血有淚，昨晚（18日）播出陳自瑤飾演的「何妙雪」到監房探林保怡演的「丁洛風」，兩分鐘的探監戲，Yoyo情緒變化極具層次感，強忍心痛、快被心痛感覺淹沒、以及力抗心痛去安慰愛人的三大情緒，Yoyo一度哭至面容抽搐，不過大部分鏡頭仍然「喊出仙氣」，獲網民封為「Dream Wife」，大讚：「探監那段演得好」、「自瑤好精彩，這個哭戲很真實」、「愈來愈美、演技愈來愈精湛」、「溫暖可愛，是每個男人夢想的老婆」。Yoyo受訪時坦言自己都很喜歡這場探監戲，並感激巢導（巢志豪監製）給予指引：「我前嗰一晚有問巢導意見，到底點樣演會比較好，佢就話要嗰種好心痛、但又要忍住，因為唔想對方難過，但自己其實忍唔住，最後仲要安慰番對方嗰種感覺，跟住我就話好啦，我盡量試吓做啦，然後就主力背好晒啲對白。」Yoyo續指正式拍攝當日，保怡拉着她對了一次對白後便說：「得啦！你背熟晒對白喇嘛？即係冇問題啦！」之後Yoyo便全力培養情緒，並沒有踏足該探監室：「正式拍時，我一坐喺個探監室度，啲感覺就全部齊晒，跟住我一見到保怡行入嚟，我啲情緒就嚟料。」情感一發不可收拾的Yoyo，笑言拍畢大頭後補拍手部戲份時，還是忍不住一再流淚：「啲情緒去到嗰度都未甩到，我係咁喊。可能因為呢場戲啲情緒係想放但又唔放得之間，個情緒變得好複雜同唔係好釋放到…嗰晚我都瞓得唔係好好。」對於Yoyo表現，巢志豪表示完美專業，能夠做到所有情緒。鏡頭前的Yoyo與保怡因為角色性格含蓄、加上情路一波多折，甚少展現開心笑容，為了「彌補」此遺憾，Yoyo在個人社交平台上載與保怡的開心CP甜蜜合照，並留言：「我哋拍劇嘅時候成日喺度講笑，話成部劇集都冇點樣開心咁笑過。趁住保怡嗰日心情好，我哋就盡情展露一下呢個燦爛、溫暖又充滿愛嘅笑容。」留言一出，成功引來網民派Likes，大讚「風雪CP」襯到絕，並期待二人再度合作。陳自瑤呢場探監戲大獲好評。陳自瑤情緒變化極具層次感。爆喊！陳自瑤「喊出仙氣」，獲網民封為「Dream Wife」。林保怡坐監。大送心心！嚟多張自拍！
刑偵12︱陳自瑤探監戲情緒爆發 喊到面容抽搐仍不失仙氣
