邵美琪吳卓羲相隔20年再續母子情 一早講明會萬歲藝人吳卓羲（Ron）、邵美琪（Maggie）及張曦雯（Kelly）等主演嘅劇集《璀璨之城》，即將出發到澳門同珠海拍攝，一眾演員出發前齊集電視城出席劇組會議。今次Maggie、Kelly同阿Ron飾演一家人，亦係Maggie同阿Ron相隔廿幾年後再演母子，令佢哋都感嘆時間過得好快。Maggie笑指當年阿Ron好細個，阿Ron就解釋係心智細個，因為當時初入行，估唔到咁多年後有機會再演母子，感覺好親切，阿Ron仲話自己咁多年嚟都係叫Maggie做「阿媽」。難得離港拍攝，當然要搵好嘢食，Maggie話一向好錫工作人員嘅阿Ron已經講咗會萬歲，仲要係幕前幕後都一齊請。阿Ron解釋幕後同事係睇住自己大，若果冇佢哋，自己都唔會有咁多造型。邵美琪（中）新劇做吳卓羲、張曦雯媽咪。（圖：TVB娛樂新聞台）吳卓羲話自己咁多年嚟都係叫邵美琪做「阿媽」。（圖：TVB娛樂新聞台）20年後再做母子！（圖：TVB娛樂新聞台）莊思敏日前出席聚會時被拍片擺上網，被指喺室內吸煙，莊思敏親自為事件澄清，並大感無奈。佢話自己只係幫手遞煙畀人，而過程中係無煙無火，所以係一場誤會。佢指當日係私人派對，亦知道有人拍片影相，但可能大家都習慣分享上網，所以避免唔到。當莊思敏笑言以後唔會再幫人遞嘢時，身邊嘅姜大衞就話要幫佢遞文件，因為莊思敏喺劇中係做佢秘書。莊思敏笑言以後唔會再幫人遞嘢。（圖：TVB娛樂新聞台）莊思敏堅持過程中係無煙無火。（圖：TVB娛樂新聞台）邵美琪#吴卓羲#張曦雯Kelly
邵美琪吳卓羲相隔20年再續母子情 一早講明會萬歲
