姚子羚張振朗官宣開騷 白月光CP期待又興奮近年不少無綫藝人先後到內地開音樂會，繼視帝陳展鵬、陳山聰、袁偉豪後，視后林夏薇日前亦宣布7月20日會於廣州開唱。昨日，姚子羚、張振朗這對《反黑英雄》CP亦齊齊官宣7月27日開音樂會，子羚與振朗於《反》劇中的「白月光CP」愛得深又虐心，深受觀眾喜愛，二人之前亦曾於節目中獻唱，如今孖住開唱，粉絲都相當期待。姚子羚、張振朗係「白月光CP」。更係開個「黑白戀曲」騷最Fit。子羚昨日接受東網訪問時表示:「我哋今次嘅音樂會命名為『黑白戀曲』，都有愛情元素喺入面，裏面會有少許劇場形式，我未試過開音樂會，之前喺山聰嘅音樂會做嘉賓算係小試牛刀，之後同振朗都要揀歌同排練。」而振朗受訪時謂:「我真係第一次開音樂會，好期待，大家要夾吓、練歌，希望成件事做好啲。」佢哋都係第一次開個唱。姚子羚預晒要揀歌同排練。張振朗自己都好期待。襯到絕！
姚子羚張振朗官宣開騷 白月光CP期待又興奮
