唐詩詠聞舊愛洪永城結紮讚好　自爆演舞台劇被要求除淨胸圍

唐詩詠聞舊愛洪永城結紮讚好　自爆演舞台劇被要求除淨胸圍「視帝」陳豪與「視后」唐詩詠到中環出席活動，講到理財是否精明？詩詠笑謂屬金牛座的她理財精明在於很穩陣，不會亂使錢，除了買「磚頭」就沒有其他投資，也不會買股票。「愛妻號」陳豪則指除了重大投資，屋企的財政大權會交給老婆陳茵媺打理，他笑說：「男主外，女主內，表面我係一家之主，但屋企一家之主係Aimee，屋企財政交晒畀佢。我個人已經係佢，佢先係我Boss。」問到是否老婆每月給他零用錢？陳豪笑說：「咁又唔使，我哋好透明，共同財政，知道大家嘅財務狀況，大家互相支持。」問到可有私己錢？他笑說：「Aimee嗰啲咪私己錢，我冇私己錢，我啲錢就係大家嘅錢，作為男人有老婆、仔女，佢哋就係我嘅全部，我要負責佢哋嘅將來、學業、屋租、消費，咁先係一個負責任嘅男人。」講到結婚12周年仍相當甜蜜，今日更網晒慶祝結婚周年照片，他說：「都係，好似啱啱結婚咁，咁多年感情都冇乜變，因為我哋唔嗌交，唔會講一啲傷害對方嘅說話，呢樣係維持婚姻、感情最緊要嘅嘢，慶幸關係保持得幾好，充滿住love。」唐詩詠恨搵個好似陳豪咁好嘅男人。陳豪將成份糧交畀老婆陳茵媺管理。男主外女主內，老婆先係一家之主。兩人結婚12周年依然甜蜜。全因從不嗌交，亦不會出言傷害對方。詩詠被問到可希望找個像陳豪一樣的負責任男人，她笑說：「我都想搵一個願意將份糧過戶畀我嘅男人，我努力。但係麵包同愛情，我努力緊個麵包先。」將為舞台劇《妻迷 Yerma》演出的她指採排相當消耗腦力、體力，令她吃極也很肚餓，沒想過演戲的範圍那麼闊，床戲、搞笑、抽心也要不同的技巧。問到與朱栢謙演床戲可尷尬？她說：「唔尷尬，但係電視劇都冇咁親密，因為舞台劇嘅尺度係大過電視劇，所以有啲場面係冇可能發生喺電視劇度。」問到可要衝破心理關口？她說：「本來有啲戲佢哋想我着內衣，直程係胸圍、底褲，但我都未衝破到，依家調整緊內衣款式。」講到舊愛洪永城自爆已結紮？她笑說：「好事吖，最緊要開心就得。」唐詩詠自爆演舞台劇突破尺度。提到舊愛洪永城結紮，她笑言「係好事」。