張與辰否認同性戀 公開向呢位女星示愛《中年好聲音》系列的歌手黃博、張與辰、周吉佩、支嚳儀、羅啟豪、譚輝智、黃劍文等，今日（21日）在將軍澳電視城為《好聲音夏日音樂會》錄影。《中3》亞軍張與辰最近被指獲同性密友Kelvin 默默守護，他受訪表示與Kelvin一起開製作公司16年，兩人是公司拍檔，比賽期間請對方由馬來西亞來港協助，問到Kelvin可是他情感上的另一半？他說：「唔係，邊有可能，大家諗多咗，我哋一齊工作咗咁耐，佢幫咗我好多，睇住我由低爬起，15、16年先有咁成績，所以會睇到佢喊，睇住我成長嘅人會有呢啲感觸，同佢係只弟情，唔係愛情，已經好似屋企人咁。」他又指與Kelvin也會不時一起工作，故也覺得不必避忌。問到與辰被指性取向成疑？他笑言：「我鍾意高Ling（高海寧）吖嘛，欣賞高Ling，覺得佢好努力、演戲又好、又靚、冇咩唔好。（佢單身你有機會？）唔諗住先，搞埋個音樂會先，（有冇佢電話？）有見過佢，但係冇交換電話。（幾時開始吸引你？）佢參加內地節目演戲比賽，表現愈嚟愈進步，當一個人有才華，就自然會好有吸引力。（唔使再懷疑你性向？）大家唔好諗咁多啦。」已經搬了新居的他指現在睡得好得多好，強調是自己一個人住。《中3》冠軍黃博在節目中首次唱出道第一首歌曲《有一種執著》，她指看見歌曲在平台上架，感到相當興奮，內心爆喊，透露之後會再推出一首劇集歌。講到最近在《中年好聲音321經典大戰》眾歌手要拎住產品唱歌，相當Hard sell，問到黃博演出時可會尷尬？她說：「呢個環節都係想感謝番贊助商，當時諗住唱歌，冇諗其他嘢。」講到網民指覺得畫面相當尷尬？她指下次會與節目組商討，令大家覺得更好。張與辰否認同性戀。張與辰仲話鍾意高海寧！譚輝智羅啟豪
張與辰否認同性戀 公開向呢位女星示愛
