陳慧珊大爆林保怡親自邀請客串 揚言從未退出仲想拍戲 無綫劇集《刑偵12》演員林保怡、陳慧珊、張振朗、陳自瑤、傳嘉莉、張松枝、高鈞賢、陳若思、海俊傑等晚上在灣仔齊齊睇劇集大結局慶功。陳慧珊在《刑偵12》大結局以林保怡終極人格現身，與老拍檔再合體演出，勾起觀眾集體回憶。她受訪講到今次「復出」再為無綫拍劇，直言是受到林保怡親自邀請，保怡表示：「其實我哋一直有聯絡，之前我哋仲合作過唱歌，因為佳導（鍾澍佳）想搵Flora，咁我就試吓聯絡佢，佢好爽快答應，但係拍就有要求嘅，一係唔拍，一出嚟劇本要好、拍出嚟靚、正」。陳慧珊與林保怡經典組合再合體。原來林保怡親自邀請陳慧珊客串。「復出」再拍劇的陳慧珊被問到日後可會多拍劇？她說：「好多人都問我幾時復出劇，其實我都冇退休過，都好鍾意拍戲。」現在從示教育工作的她早前考獲博士學位，也希望將所學結合演出，啟發更多人。保怡直言希望《刑偵12》開續集，他說：「大家都問我角色點，其實有好多嘢未做。」他又提議與陳慧珊演出的劇集《鑑證實錄》也可以拍新版本，到時便可與陳慧珊、李珊珊、張松枝等再聚首，問到陳慧珊可有興趣再拍《鑑》？保怡搶答笑說：「如果開《鑑證實錄2026》佢一定拍。」此外，陳慧珊席間遇見海俊傑時，更拉住對方一齊合照，她更自爆原來海俊傑是她的親表弟。陳慧珊澄清冇退出過，依然鍾意拍戲。林保怡希望開《鑑證實錄2026》。海俊傑原來係陳慧珊親表弟。
陳慧珊大爆林保怡親自邀請客串 揚言從未退出仲想拍戲
