何晉樂憑《愛．回家》入屋　慶幸做咗龍家少爺

何晉樂憑《愛．回家》入屋　慶幸做咗龍家少爺3年前憑參加無綫歌唱節目《聲夢傳奇》而入行的何晉樂（Rock），近年主力拍攝處境劇《愛．回家之開心速遞》，雖然憑角色成功入屋，但網民卻覺得其劇中飾演的「龍家三房成員Joe」形象比歌迷身份更鮮明，快令觀眾忘記他是唱歌出身。所謂「魚與熊掌不可兼得」，Rock依然感激無綫給予他嘗試當演員，為紀念加入《愛》劇1周年，日前他在社交網分享多張拍攝花絮及不同造型照，感恩有拍劇機會而跟葉蒨文、莊思明及劉丹等結緣，並發文謂：「呢1年過得好快亦都好充實，嘗試過好多裝扮，好多搞笑嘅劇情，見到自己個角色性格逐漸呈現更多比觀眾睇到，遇到唔同嘅導演，唔同嘅編劇，唔同嘅PA，多謝監製，多謝大家畀機會我去演，同埋肯教導我！」何晉樂依家係「龍家三房成員Joe」。最開心係佢轉形演員都一樣成功。他自言返《愛》劇組如返屋企一樣，為自己多添了「家人」而高興：「其實到依家都唔係好敢相信，好似發夢咁，我好開心可以加入《愛‧回家》呢個大家庭！加入咗『龍家』！真係好似多咗個爹哋、媽咪，仲有大家姐、姐夫、兩個阿哥、Auntie melody，仲有個阿叔同舅父，一齊對稿，一齊食飯，一齊慶祝生日，一齊過節日，同完自己屋企人過，都一定會同『龍家』一齊過。」他承諾未來日子會繼續做好角色，將更多歡樂帶給觀眾，更不厭其煩自我介紹多次：「大家好，我係《愛‧回家》嘅『阿Joe龍舟』。」可見他已愛上這個「龍家少爺」的角色。何晉樂覺得返《愛》劇組如返屋企一樣。何晉樂係歌手出身。