黃浩然開金口同連詩雅合唱　被讚「被演戲耽誤的歌手」

黃浩然開金口同連詩雅合唱　被讚「被演戲耽誤的歌手」藝人黃浩然、連詩雅（Shiga）、姚焯菲（Chantel）和男團MIRROR成員邱傲然（Tiger）等合演的音樂劇《三·八》昨晚（22日）圓滿落幕，台前幕後大感依依不捨，眾人推出寫上「Good Closing」及主題語句「一切是最好的安排」的蛋榚作告別。而近兩晚一眾星級觀眾包括胡楓、泳兒、莊思敏及李蕙敏等紛紛現身捧場，Chantel歌迷會更拉隊支持偶像，場面相當熱鬧。身為男主角的黃浩然今次扮演Shiga的丈夫，兩人面對生離死別，令人大感無奈，而浩然角色為人市井兼頻頻爆粗，搞到台下觀眾不時發笑。談到講粗口，他笑說：「其實後生嗰時都成日講嘅，不過後來因為太太嘅信仰關係，同埋我做咗人爸爸，所以戒咗呢啲習慣，點知今次要配合角色需要，講番粗口竟然唔係好慣，哈哈！」每晚兩個小時的演出中，浩然不時開金口唱歌，且與Shiga合唱《我們都是這樣長大的》引起台下觀眾共鳴，歌喉不錯被形容為「被演戲耽誤的歌手」，他笑說：「其實啱啱入行嘅時候，我係有跟個老師學唱歌嘅，後來停咗落嚟，點知佢哋搵我演音樂劇之前，我突然間又跟番老師學唱歌，都算係重拾興趣，估唔到即刻又用得着，總之一切是最好的安排。」原來黃浩然好唱得！同連詩雅估唔到咁合拍。完滿落幕。姚焯菲與粉絲大合照 。呂慧儀（左起)、黃浩然、胡楓、姚焯菲李蕙敏都有捧場。連詩雅同泳兒老友鬼鬼。