黃心穎不求消除污點：犯錯就要承擔！

黃心穎不求消除污點：犯錯就要承擔！黃心穎推出第4首新歌，一句「獻世的故事」歌詞再令人憶起6年前「安心事件」，她直認一世忘不了、抹不掉這人生污點，幸在最絕望時遇見可共度寒冬、細味人情冷暖的鼓手老公泥鯭。至於跟她兩敗俱傷的許志安重踏紅館舞台，她送上祝福，但有老死不相往來之意。36歲的黃心穎跟有婦之夫、歌手許志安爆出婚外情後，雙雙墮入人生谷底，之後女方「洗底」由演員轉型成歌手，最近推出第4首親自作曲、填詞的新歌《看透世間美事》，憑歌寄意抒發鬱結情緒，歌詞「心很累」、「為了昨日賠罪」、「活着沒意義」及「獻世的故事」等正是人生低潮中最切身感受。日前心穎接受專訪時，不諱言歌曲是埋藏在心底的真情剖白：「有朋友問點解我第一首歌唔係推出呢首，我就話『嗰件事』唔係經歷咁耐，就唔會面對到自己，咁就寫唔出呢首歌。」「安心事件」至今事隔6年，問到是否應嘗試忘記？她百分百肯定說：「唔會忘記到，呢樣嘢已經係Part of我所有經歷或感受，係切切實實喺我人生中發生咗，但『嗰啲嘢』可以用喺創作方面，所以唔需要逃避抑或怕人提起。人生就係咁，犯咗錯就要承擔，接受咗係我嘅過去同經歷。」又認同過錯如一支針般會突然刺痛她，不過亦可視為警號，提醒她勿重蹈覆轍。黃心穎「洗底」，由演員轉型成歌手。黃心穎憶起6年前「安心事件」，她直認一世忘不了。黃心穎覺得人生就係咁，犯咗錯就要承擔。黃心穎會以平淡心情面對負評。黃心穎學懂情緒不再受外來因素帶動，只會為自己能勇敢推出新歌而高興。黃心穎坦言新歌是埋藏心底的真情剖白。泥鯭如四季相伴身邊心穎指新歌並非「賣慘」，而是代表她跨過以為不能衝破的關口，其中「回南時眼淚，圍牆陪着流」這兩句歌詞感受最深。至於相隔年半再推出新歌時，剛巧撞正許志安的組合BIG FOUR宣布於8月再踏紅館開騷，她稱推出第3首歌後一度感迷失，加上父親離世，所以需要時間想清楚目標，發覺最愛還是創作時，就決定開始寫自己認為有意思的歌曲。問到可有興趣捧BIG FOUR場？她不假思索說：「唔想，但我知道佢哋開騷，覺得好好，大家喺生活中都好努力咁向前行緊，我都會祝福佢。（同佢遇見過未？）冇。」談及外界對新歌反應有彈亦有讚，她直認有瀏覽留言區，對用心聽及認真睇MV的網民表示感謝，但對於「你又出嚟害人」等負面留言，她以平淡心情面對：「唔會避開，又唔覺得出一首歌係會害人，會好理性話畀自己聽，唔需要好Care人哋點講，唔需要反駁。」更稱沉痛的經歷，令她學懂情緒不再受外來因素帶動，只會為自己能勇敢推出新歌而高興，她說：「因為嗰一步係最難，我啱啱收到成為香港作曲家及作詞家協會嘅會員證書，真係做咗創作歌手，係一個鼓勵。」新歌提及季節，她形容老公泥鯭不但是春季，甜笑放閃說：「佢係我嘅春夏秋冬，因為佢四季都喺我身邊。（許志安係嚴寒？）嗰件事之後，我處於唔好狀態，日日都覺得係陰天、落雨，好鬱悶、抖唔到氣，好似首歌開頭『心很累』嘅歌詞。」問到結婚兩年，之前屢傳飄孕味，她又哈哈笑說：「繼續飄吓，我唔介意，係咪我肥咗，所以似有孕呀？以前好恨生BB，但我唔接受人工受孕，我Body Check過係冇問題，所以順其自然啦，由個天決定我今生係咪應該做媽媽。」黃心穎講起老公泥鯭，甜笑放閃。黃心穎與泥鯭已結婚兩年。黃心穎冧爆話泥鯭係佢嘅春夏秋冬，因為四季都喺佢身邊。泥鯭（左）與隊友6號前晚結伴睇演唱會。BIG FOUR秘密練兵紅館騷送驚喜黃心穎為避嫌，明言「不想睇」BIG FOUR演唱會，但4子近日頻頻曝光做宣傳，日前許志安偕成員張衞健（Dicky）、梁漢文（Edmond）及蘇永康錄影無綫音樂節目《今晚有歌廳》，《中年好聲音》歌手李金凱與劉洋專程追星，帶同唱片探班索取簽名，同是節目嘉賓的譚輝智除獻唱偶像安仔的金曲外，更表現怕醜，場面搞笑。BIG FOUR透露紅館騷不設嘉賓環節，但已為「彩蛋」位秘密練兵，安仔謂已度了好玩橋，對他們來說是新挑戰，Edmond表示：「以前大家着重個人演出，今次就想多啲合作環節。」Dicky則拍心口謂：「名譽保證，一定有一、兩個驚喜畀大家。」另外，安仔在社交網分享4子飯局片，眾人玩多過食，而Dicky大顯好「舞」功，做出疑似芭蕾舞的誇張動作，令3子爆笑。BIG FOUR在音樂節 目中大展歌喉。（圖：TVB娛樂新聞台）張衞健在飯局上跳舞，搞到隊友爆笑。化妝：Herman Ng髮型：Steve Shek場地提供：VITA LIVING GALLERY黄心颖