【明報即時】張智霖拍月餅廣告 自爆每年火燒懷舊白兔燈籠 Chilam早前為其代言的月餅拍廣告。（大會提供 / 明報製圖）張智霖（Chilam）早前為其代言的香港月餅品牌拍廣告，透過其多元魅力又真摯親和的形象，喚起大眾對百年匠藝的珍視。對於中秋節，Chilam認為這是一個極具象徵意義的節日：「一個人月兩團圓的日子，代表家庭成員應該get together，大家團聚一齊食餐飯，享受呢個節日帶畀我哋嘅溫馨，食吓月餅感覺更加有儀式感。」 廣告商欣賞Chilam多年來在演藝界的努力踏實與親民形象，無論在熒幕上還是生活中都以真摯自然、與時俱進的態度贏得大眾喜愛，與品牌精神不謀而合。Chilam亦坦言不會隨波逐流，享受活在當下，更喜歡現在的自己，會不停發掘鮮為人知的一面令自己進步、讓自己和觀眾有新鮮感。他說︰「我始終係一個跨越好多代嘅藝人，呢個係唔可以否認。可能到咗今日呢個成熟嘅年齡，反而好鍾意搵自己裏面究竟有咩未表現出嚟，而唔係去跟隨潮流。活在當下，呢一刻盡力活好今日，將來就唔會後悔。喺工作上碰到新鮮對手、新鮮角色就會有唔同嘅火花出現，今次嘅合作已經係一種另類嘅火花。」Chilam亦分享自己對月餅的喜好：「傳統蓮蓉月餅我當然唔會放過，但亦好鍾意一啲新穎食法，例如叮熱嘅流心奶黃月餅加球雪糕，好喜歡又凍又暖嘅感覺，每次諗起都想食！」廣告拍攝當日，Chilam穿上圍裙即席搓麵粉做月餅，有板有眼。他透露有空時會親手下廚，鍾情中菜烹調，大獲好評。他又分享童年時與家人共度中秋的回憶：「不論係我細個，定係我個仔細個，都一定會玩燈籠，仲要係最懷舊嘅白兔燈籠，雖然每次都會燒咗，但呢啲都係我好美好難忘嘅回憶，每一次都會會心微笑。」對於團圓幸福，Chilam認為知足最珍貴：「一家人知足係最幸福，唔需要擁有全世界。」 （即時娛樂）
【明報即時】張智霖拍月餅廣告 自爆每年火燒懷舊白兔燈籠
