蘇永康為演唱會減磅　譚耀文新片票房告急忙謝票

蘇永康為演唱會減磅　譚耀文新片票房告急忙謝票結合了《新秀》、《超級巨聲》和《聲夢傳奇》的全新歌唱大賽《聲秀》今日在無綫電視城公布25強，7大導師蘇永康（阿公）、譚耀文（阿譚）、劉浩龍、吳浩龍、鍾舒漫、泳兒和胡鴻鈞向參賽者分享比賽心得。阿公和阿譚是新秀的大師兄，着重參賽者的聲底，有留意18歲的布子殷和由澳洲專程來港參賽的19歲喬美莎。人才濟濟。阿公笑言估不到歌唱比賽都要體重管理，看到好多參賽者都瘦了不少，差點認不出來。賽事將淘汰4位，餘下21位學員繼續賽事，每位導師各自㨂選3位學員指導。問參賽者若玩樂器會否加分？「唔會，除非打後空翻係幫到首歌就得。」勸喻不要做幫不到首歌的事。阿公為準備Big Four演唱會努力減磅，由上年11月至今減了30磅，主要戒飯，「我都要體重管理，可能中過兩次新冠病毒，免疫系統亂晒，唔食飯好易感冒，我去新加坡開騷都唔敢食海南雞飯，3日先食一餐飯。」蘇永康要體重管理。譚耀文讚參賽者乖及有自信，提到他首擔男主角的電影《拼命三郎》被指票房告急，阿譚表示會拚命謝票，感恩影評和傳媒的支持，「大氣候影響入場睇戲意欲，畢比特套大片又同期上映，希望電影播映期可以長壽啲。」譚耀文忙於謝票。胡鴻鈞有獨特「搶人策略」，因知道其他導師心水，會幫他人撳鐘搶學員，好羨慕現在參賽者有人幫，因為當年自己無人教導，對靚仔靚女不會特別加分，自嘲：「當年自己奇貌不揚，雖然依家都係，會著重學員嘅歌藝。」泳兒會㨂近自己風格的參賽者，可傳授自己歌藝，之前做過導師要指導跳唱覺得有難度，但就令自己跳唱好了，有所得着。胡鴻鈞也直言不會指導跳唱，不想誤人子弟。對於不少學員仍是學生，泳兒表示首要不能逃學，時間上會盡量遷就，自言準備進入地獄式訓練，但不會表現太着緊，「我要收番少少，唔可以畀佢哋咁依賴，其實要佢哋着緊過我，我策略要放鬆少少，（學員主動鍾意你歌加分？）梗係啦！」過氣情侶吳浩康和鍾舒漫同場，「職安真漢子」吳浩康對其中一位報稱是地盤工人的學員，笑言：「我公司要請人。」吳浩康公司請人。學員中陸卓謙、文雅姿是顏值擔當，卓謙比前瘦了不少因為戒澱粉質，將升中五的他認可能會影響學業，但後年先DSE所以不太擔心。雅姿被讚仙氣時有點怕醜，不去選美因為鍾意唱歌多些。柯雨霏被指是「陳瀅2.0」，覺得太高攀，讚陳瀅好靚女及演戲好，問覺得自己似不似陳瀅？她停頓幾秒答不上，「唔係好似，（對個朵唔開心？）冇唔鍾意。」視障歌手蕭凱恩參加歌唱比賽經驗最豐富，想試唱導師們的歌，有作過英文歌，想嘗試創作廣東歌，未來向創作歌手方向發展。鍾舒漫狀態大勇。吳浩康與前度鍾舒漫四目交投。泳兒晒長腿。胡鴻鈞和泳兒甚有默契。文雅姿被讚仙氣時有點怕醜。