周秀娜首回應被包懷孕傳聞！罕談與男方關係 自揭2X歲恨生仔兼獲求婚

周秀娜首回應被包懷孕傳聞！罕談與男方關係 自揭2X歲恨生仔兼獲求婚40歲「𡃁模始祖」周秀娜於2009年推出首本寫真，一炮而紅，近年轉型做實力派演員，非常成功。周秀娜最近接受前TVB主播方健儀的Youtube節目《女人方言》訪問，大方回應「被包」傳聞。周秀娜大談成長環境方健儀的網上頻道昨日（26日）公開最新一集，請來周秀娜做嘉賓。周秀娜除大談家庭成長環境，自言家中有3兄弟，自己排在中間，會被家人忽略。提到出道初期，曾公開承認髮型師男友陳偉成，二人於2013年分手，結束六年情。周秀娜嘗試識新朋友方健儀問到感情生活時，周秀娜表示：「感情空白。（都冇乜人信）係咪呀？」方健儀說：「係呀，會覺得你好多人追。」周秀娜不認同：「唔知點解，外間係覺得好多人追，你話冇就會覺得一定係呃佢。」周秀娜自言曾認識新朋友，亦有嘗試去接觸，但了解過後，覺得不太合適。周秀娜透露如自己喜歡一個人，會全身投入，是個戀愛腦。周秀娜不認識男方對於曾傳出「被人包」、大肚傳聞，周秀娜罕有回應事件。周秀娜表示：「真係好感謝你問我呢個問題。」周秀娜稱從沒有人向她求證：「真係冇人問過我，好似呢件事已經唔需要問，其實我真係覺得好冤枉，嗰個冤枉係我覺得我係咪因為咁所以冇拖拍呢？我真係唔知點解會咁樣囉，唔知點樣會傳出嚟，我又唔認識嗰個當事人。（你指男方？）男方，我唔認識㗎真係。」周秀娜年年有戲拍對於有一段時間消失幕前，周秀娜解釋：「拍戲係咁咪㗎嘛，一年入面係拍兩、三部戲，已經用咗幾個月時間，同埋唔係拍完嗰個時候就即刻出街，尤其係之前疫情嗰幾年，我係有兩、三部戲拍咗直情出唔到街，某一啲原因。」周秀娜再強調每一年保持拍戲或者工作。周秀娜清者自清周秀娜續表示：「有嗰種心聲就係覺得，我有做過都好呀，但係冇呀嘛就係，哎呀，真係蝕咗，真係蝕咗啦！同埋一直都唔講，係因為因為其實我又唔想俾人覺得我用嚟宣傳，所以我就覺得等這件事，會不會自己清者自清呢？你點講都會有人唔滿意甚至唔信，當我去講冇或者唔係，啲人又覺得你不肯講，大家都係偏向於相信佢哋想相信嘅事實。」周秀娜27歲想生仔周秀娜透露27歲時曾想生小朋友：「後生嗰時，想27歲生小朋友，但係過咗嗰個時候就冇再咁樣諗過。我記得有人曾經同我求婚，就喺嗰個年紀，廿幾嗰陣。但係我事業啱啱開始緊，我係拒絕，可唔可以唔好喺呢個時候，過咗個年紀就覺得隨緣啦。」周秀娜坦言如果隨到一位可以令她放棄事業，價值觀相同，相處開心的話，任何人也可以。