戴祖儀黐飲黐食認親認戚　與吳若希爭做麥玲玲契女

戴祖儀黐飲黐食認親認戚　與吳若希爭做麥玲玲契女近日宅男女神戴祖儀在社交網晒開工靚相派軍糧，大騷索腿及纖腰，她大讚多得拍檔麥玲玲，令節目中的伙食及拍攝場地升呢，笑言她與同節目的吳若希都爭認對方做娘親，望此行能促成麥玲玲收兩人為契女。靚人襯靚景。藝人戴祖儀（Joey）近日跟吳若希、游嘉欣及麥玲玲為無綫全新綜藝節目《尋歡作樂的姐姐》北上拍攝，Joey在社交網大派福利照及短片，火力全開向鏡頭獻飛吻，贏盡網民喝采聲。她指今次拍攝地全部都是打卡勝地：「呢度只不過係間酒店其中一間房間嘅露台，Any肥，感謝大家令祖儀回歸香港time zone。」不過靚還靚，但就朝朝7時開工，她還自幽一默說：「日日07am真係健康到不得了！」大送飛吻。Joey接受東網訪問時，講到今次拍攝，她稱因為要日曬雨淋，所以曬黑了不少，雖然吃了不少好東西，但每日都要早開夜收，故不肥反瘦，她更激情地向一個人表白：「我想講嘅係，我同Jinny（吳若希）深深愛上咗麥玲玲，佢係一個最好女人，同佢一齊我哋嘅伙食升級咗好多倍，我哋去嘅地方玩嘅嘢都升級咗好多倍，我哋呢個行程嘅目的就係希望玲玲可以收咗我哋做契女，我哋已經開始叫佢做娘親同阿媽。」大晒白滑長腿。身材弗到漏。真係令人賞心悅目。麥玲玲為節目全力以赴。吳若希與戴祖儀做足準備。游嘉欣做到最好。