欣宜《女神》歸位撼內地唱將　情緒滿分好食得粉絲安心

欣宜《女神》歸位撼內地唱將　情緒滿分好食得粉絲安心歌手鄭欣宜神隱兼停工2年多，日前內地節目《歌手2025》宣布欣宜成為節目第七期補位歌手，而欣宜亦一早抵達長沙錄製節目。欣宜嘅表演環節今晚（27日）就會播出，不過未播先有綵排花絮出爐，更預早公布佢將會動人演繹代表作《女神》，連表演音頻都被公開，即被大批網友狂讚好聽。欣宜今次真係番嚟喇！欣宜甫現身就同全場打招呼。笑容十足，狀態大勇。狀態十足嘅欣宜喺片中，甫現身就笑晒口咁同全場打招呼，時不時大笑，又自爆想食遍長沙美食，情緒價值滿分，仲蹦蹦跳咁走去大讚和音姐姐靚女，又親民又熱情，仲表示自己唔會放棄唱歌呢條路。網友見佢狀態極好都表示放心，仲叫節目組要好好對女神，好希望佢可以留到總決賽。唔少粉絲都希望佢今次比賽之後，可以開內地巡唱，又期待佢喺比賽期間開啟吃播Live，令大家非常期待。欣宜仲Cute cute賣萌。走去讚人哋靚女。粉絲叫節目組要好好對女神。網友都好想佢開吃播Live。