【明報即時】陳豪自嘲普通話水平多年不變 子女發音比自己標準 陳豪笑言將來要保持住港普的口音拍內地劇。（鍾偉茵攝）陳豪今天（29日）出席一日店長活動，負責收銀工作，見到有家長抱住小朋友時露出慈父笑容，並輕撫小朋友的頭。他說平日在咖啡店內多以咖啡師身分為客人介紹，很少收銀。談到看見小朋友時特別開心，陳豪坦言：「我同太太都喜歡小朋友，好想佢哋開心。見佢哋開心，我哋就開心。」他近日與馬國明為內地頒獎典禮擔任頒獎嘉賓，陳豪覺得內地頒獎禮較為嚴肅，他不太習慣，但整體也享受，當晚以廣東話及普通話發言。被問到下次會否以全普通話發言時，他說：「有稿就容易啲，如果要即興發揮就差啲。我嘅普通話，多年嚟都係同一水準，講唔係問題，主要係聽唔明。」陳豪稱未拍過純內地製作的劇集，他談到會否練好普通話方便將來拍內地劇時說︰「練好咗就冇咗我嘅特色，我要保持住呢個口音去拍內地劇，咁真係堅﹗」陳豪表示曾有內地劇找他拍攝，惟當時因檔期問題未有成事，或許後來大家都誤會他不拍內地劇，因此近年再沒收到邀請。他被問到子女的普通話是否比他好時說︰「係，尤其發音，我都係跟佢哋老師學習，依家至知普通話有4個音節。屋企入面，除咗普通話，我嘅中文都幾堅。」他又透露早前和太太陳茵媺到廣州工作後，順道在當地二人世界慶祝結婚12周年。他說︰「畀佢放吓假，喺酒店享受吓。太太作為媽咪，肩負重任，內外都好大壓力。我作為丈夫，有責任畀佢放假。」陳豪稱下月將和孩子返加拿大放暑假。（即時娛樂）
【明報即時】陳豪自嘲普通話水平多年不變 子女發音比自己標準
