陳豪自認港普多年水準不變　堅持唔練好國語：會冇咗特色！

陳豪自認港普多年水準不變　堅持唔練好國語：會冇咗特色！視帝陳豪今日（29日）擔任一日店長活動負責收銀，他見到小朋友時尤其開心，輕撫對方的頭，面露慈父微笑。陳豪稱在自己的咖啡店多以咖啡師身份給客人介紹咖啡，很少收銀，講到他見到小朋友時分外開心，他說：「我同太太都好鍾意小朋友，好想佢哋開心，見到佢哋開心，我哋就開心。」陳豪擔任一日店長。談到近日他與馬國明擔任內地頒獎典禮的頒獎嘉賓，他指內地頒獎禮較為正經嚴肅，他不太習慣，但整體也很享受，有幸參與很難得，他當晚以廣東話及國語發言，問到下次會否挑戰全國語，他坦言：「有稿讀就容易啲，但如果用國語即興發揮就差啲，我嘅普通話多年嚟都係保持同一水準。其實我講唔係問題，主要係聽唔明。（現場有冇把握機會同內地藝人交流？）我唔係好認識佢哋，所以都好難交流，現場有好多最頂尖嘅嘅製作人，我都大開眼界。」陳豪表示自己從未拍過純內地製作的內地劇，問他會否打算學好國語助拍內地劇？他笑言：「如果練好咗國語，咁就冇咗我嘅特色，要保持住我呢個口音去拍內地劇，咁真係堅。」他透露以前有內地劇斟他合作，但當時撞了檔期，可能後來大家誤會他不拍內地劇，故近年沒有人再找他。問到小朋友的普通話是否比他好？他直認不諱：「係，尤其發音，我都係跟佢哋嘅老師學習，依家先知原來普通話係有4個音節。（屋企入面，你嘅中文係咪仲係最好？）除咗國語之外，我嘅中文都幾堅。」另外，陳豪早前跟太太陳茵媺度過結婚12周年，他表示跟太太之前到廣州做完活動後，順道在當地享受二人世界慶祝：「乜都冇做，畀佢放吓假，喺酒店享受吓，作為媽咪佢肩付重任，內外都好大壓力，我作為丈夫有責任畀佢放假。」他謂忙完這個月後，下月便跟小朋友回加拿大放暑假。提到擔任內地頒獎禮嘉賓，他自認港普多年水準不變。但認為是個人一大特色。他笑言若有機會拍內地劇都會保持港普。