【明報即時】執法者們｜宣萱唔滿意自己表現 請教撈家演技 Bosco親蔡潔芳澤 宣萱及吳啟華相隔多年再同劇，2人嘆今次未有對手戲感可惜（左圖）；黃宗澤及蔡潔合作到第8次，終於被安排演一對。（鍾偉茵攝）宣萱、吳啟華、黃宗澤、蔡潔、馬國明等今天（1日）宣傳邵氏劇集《執法者們》，公布上周收視最高達21.4點（138萬觀眾）。宣萱及吳啟華相隔多年再同劇，2人嘆今次未有對手戲感可惜，盼將來有機會以《壹號皇庭》演員班底再合作，吳啟華表明最好不要拍古裝，其他劇種沒所謂：「喜劇都幾好，拍套《執法者們》喜劇版都得，叫《犯法者們》也OK，一聽個名就知道是喜劇啦！」宣萱被網民大讚「天花板式演技」，她則說：「我聽到都有啲驚驚地，因為今次唔滿意自己表現，有少少忟自己，始終冇做過好多殺人角色，確係唔知點做，係有壓力。」她透露請教前輩演這類角色，有什麼可以做和不可以做：「我問撈家（羅嘉良），佢喺演戲上係我前輩，經驗多我好多，細細個就睇佢做戲，佢建議我唔好笑，但劇中我都做咗少少笑嘅動作。」對於被拿作與拍劇穿同款囚衣的視后佘詩曼及楊茜堯比較，她則笑言：「我哋都喺香港坐監，囚衣也該一樣，劇情唔同冇乜好比較。」吳啟華被網民讚演奸角入型入格，但他不認為角色是奸角，「90%係好人，只有10%立場不同，都唔係奸。」早前有藝人涉賭報道被翻舊帳，吳啟華強調現在廣告及拍劇合約嚴謹，承認10年前也去賭場小賭怡情，但現在一定不可以去，如被發現會被告兼要賠錢，「𠵱家同賭字有關嘅地方，都絕對唔會去，除非拍戲就冇辦法。」黃宗澤（Bosco）及蔡潔合作到第8次，終於被安排演一對，2人更被封「菠蔡CP」，劇中有不少親密戲，Bosco笑言有幸一親蔡潔芳澤，完成人生一個願望，蔡潔強調：「最開心得到『黃太』們接納，冇被追殺。」問會否惜出愛火？黃宗澤笑道：「惜下又唔生仔，我哋惜咗成套劇，如收視好有24點，我喺現場再惜蔡潔啦！」馬國明表示日前與太太湯洛雯出席蕭正楠及黃翠如兒子百日宴，送上大利市祝BB身體健康，又透露BB似媽媽，問與舊愛胡定欣同場可會感尷尬？他即道：「唔會，點會尷尬？大家都成熟。」（即時娛樂）
【明報即時】執法者們｜宣萱唔滿意自己表現 請教撈家演技 Bosco親蔡潔芳澤
