宣萱首演獄中戲獲讚 吳啟華有戲癮望劇集添食藝人宣萱與吳啟華今日在觀塘為邵氏劇集《執法者們》宣傳，活動期間啟華嫌角色戲份不夠，希望將來拍劇可以多點戲份過戲癮，但也認為角色有發揮最重要，希望劇集添食，並期待有機會與宣萱、歐陽震華等《壹號皇庭》組合可以Re-U，笑言可以反轉拍喜劇《犯法者們》。宣萱與吳啟華為《執法者們》宣傳。吳啟華笑指角色戲份不夠，希望多點戲份過戲癮。期待有機會與宣萱、歐陽震華等《壹號皇庭》組合Re-U。講到他被指在賭場現身，啟華則否認說：「啲相好耐㗎喇，我成10年冇去，因為依家拍廣告、做代言人，簽約寫明唔可以涉賭、唔可以去賭場，去會畀人告，所以冇去，就算賭場嘅登台我都唔接，同埋當年其實只係小賭怡情，依家就直情唔去。」宣萱劇中的獄中戲被讚賞。她坦言首次演犯人壓力大。宣萱劇中的獄中戲被讚賞，她坦言擔心演得不夠好，她說：「因為未做過犯人角色，事前都有壓力，唔知點做好，我仲搵咗前輩撈家（羅嘉良）請教點做，佢嘅意見叫我喺裏面唔好笑，但我有一刻都笑咗，自己睇返覺得唔係咁滿意，可以做得更加，好炆自己。」至於啟華較少演奸角，他則認為角色九成時間是好人，只有一成時間是壞人，加上有他的原因，故覺得角色不屬奸角，宣萱則笑說：「咁都唔係奸，咁我要成套劇重新睇多次先得，哈哈。」
宣萱首演獄中戲獲讚 吳啟華有戲癮望劇集添食
