蔣家旻首與張智霖合作大有淵緣　竟然同袁詠儀有關

蔣家旻首與張智霖合作大有淵緣　竟然同袁詠儀有關藝人蔣家旻早前到日本拍攝旅遊節目，忙碌的她工作接工作，回港後即到珠海為劇集《璀璨之城》開工。近日終於有空閒時間的她，在社交平台分享自己的近況，寫道：「每日邊拍邊摸索新角色，爛嘴旻都唔知係唇瘡定點，爛住下唇開咗幾日工。（播出時不要太驚訝），好彩一日比一日好，無咁樣衰衰啦」，拍攝撞正爛嘴，認真慘豬豬，幸好有逐漸好轉，見得番個靚樣。隨後，她又分享出一件與劇集男主角張智霖（Chilam）發生的趣事：「記得喺好耐好耐好耐以前tvb周刊活動，Chilam第一句話：『我記得你同我老婆拍過劇』，當時我內心好驚訝！又隔多好多好多年……今次終於有機會同佢合作，佢竟然講同一番說話，我忍唔住大讚佢記性超勁！！！」原來蔣家旻曾在劇集《疑情別戀》中與Chilam太太袁詠儀飾演過好友，但更令人感到神奇的是Chilam的好記性，即使事隔多年仍記得，對老婆的事認真上心。蔣家旻到珠海開工。拍攝新劇《璀璨之城》。原來佢同張智霖有淵緣。事關蔣家旻同袁詠儀多年前合作過。張智霖竟然仲記得佢。