宣萱演囚犯「最緊要殘」　陳若思色情場所打工靚爆

宣萱演囚犯「最緊要殘」　陳若思色情場所打工靚爆宣萱與陳豪主演的邵氏劇集《執法者們》最近熱播，其中宣萱的角色亦正亦邪，被網民大讚夠酷夠魅力，直指宣萱「有一種平靜的瘋狂」。據知，宣萱為了演好角色的層次感，刻意於拍攝囚犯場口自己化妝，並笑言角色獄中化妝「最緊要殘」，皆因有助入戲，相當專業，宣萱說：「（囚犯妝）唔可以化太靚，因為要喺視覺上造型及妝髮畀觀眾感受到個個真實感。」她續指當時除沒有遮黑眼圈、亦沒有黐假眼睫毛及set頭。宣萱演活角色。另外，小花陳若思（Amber）在劇中亦有亮麗演出，原來除了囚犯Look，還有「濃妝靚女Look」！劇情講述她飾演的角色出獄後在非法色情場所打工，為配合角色，Amber要化濃妝兼着靚衫，有網民直指望落有少許邱淑貞的影子。對於艷女Look獲讚，Amber坦言勁興奮：「如果真係有人話我似邱淑貞，我會超開心，因為佢真係好靚，係我兒時女神嚟！可能我因為鍾意佢，都會不自覺有少少參考咗佢嘅妝容，其實我本身係驚自己化得太重手。」她續指由於角色兩個造型反差太大，有朋友甚至誤會她在劇中要1人分飾兩角，認真搞笑。談到角色秀髮飄飄勁有女人味，她笑言原來「純熟意外」，她透露拍攝當日撞正3號風球，所以十分大風，她還被吹至一邊拍一邊流鼻水：「所以大家會見到我出場嗰下啲頭髮係吹起晒，好似全程有大風扇吹住我咁！但係其實我個鼻係一路流緊鼻水，好彩唔係拍得好大頭咋。」宣萱演技大爆發。另外，陳豪與何依婷的父女情亦備受關注，有網民封他為「零死角好男人」，談到劇中父女情真摯又感人，陳豪接笑言當知道自己在劇中「有咁大個女」時，絕對「欣然接受」，並大讚依婷演得甚有說服力：「佢演得真係好有好後生嘅感覺、望落最多都係20歲左右，佢咁樣嘅狀態都好幫到我呢個爸爸入戲。」談到劇中因工作關係甚少時間陪伴女兒致關係疏離，問到現實中同樣工作忙碌的陳豪與囡囡關係時，陳豪開心笑言：「都好彩佢都仲係坐緊我大髀嘅！」宣萱與陳豪接吻。陳若思顏值登頂。何依婷大晒演技。陳豪演技擔當。