羅浩楷患柏金遜痛苦到想死　主動向無綫提前解約

羅浩楷患柏金遜痛苦到想死　主動向無綫提前解約資深藝人羅浩楷2015年完成劇集《東坡家事》後未再現身幕前，於2017年正式離開無綫。他曾透露患椎間盤突出引致頸部無力，最嚴重試過腰骨向下彎曲90度，一度要坐輪椅不能走路。羅浩楷近日透露10多年前患上柏金遜症，身體每況愈下，現在不能自行走路，要坐輪椅代步，由太太照顧，大嘆：「都唔知幾想死，坐喺度無意思。」因健康問題無奈退出幕前演出，他指是自己要求提前解約，他解釋：「我記得我一出事時，第一個朋友黃韻材問我『楷哥經濟有冇問題先』，諗諗冇問題，但我知自己開始停喺度唔做得嘢，嗰時未大炒人（TVB裁員）時，我係早兩年已知，『死喇，請咗好耐假，唔得，應該返公司取消合約』。點知返去話佢知，我想取消張合約唔知得唔得呢？佢哋答『得㗎得㗎』，計埋啲乜金乜金都幾好喎。」他因患柏金遜症現已不良於行，要靠輪椅代步，雖然深居簡出，但亦有留意藝人朋友近況，並有心願想發起籌款活動，幫助一班因病不能夠工作的藝人，他說：「有一樣嘢我好想做，我哋做藝員幫好多人籌款，但點解我哋藝人有事時冇人同我哋籌款呢？我知道有啲同事生活情況唔係幾好，點樣先可以幫到佢哋呢？我諗佢哋都係做唔到嘢，例如秦煌唔知佢點，但我好想幫到佢，張偉文點忙到佢，家輝哥（劉家輝），呢啲同事係需要幫助，但點解冇人出嚟去幫助佢哋呢？好多嘢我想做，但我做唔到。」楷哥希望多說一聲能喚起大家關注。羅浩楷2021年現身好友鄧英敏節目時已未能坐直。但精神好，訪問時談笑風生，又拿起結他自彈自唱。羅浩楷主動向無綫要求提前解約。佢依家心願係想發起籌款，幫助一班因病冇工開嘅藝人。