姚焯菲極寵粉3位數共進午餐　再唱《遇見》唔同晒Feel

姚焯菲極寵粉3位數共進午餐　再唱《遇見》唔同晒Feel女星「食飯有價」在娛圈流傳已久，「飯局價」傳由10萬至過百萬港幣不等，不過要跟「聲夢小公主」姚焯菲（Chantel）食飯只需3位數字。日前Chantel的歌迷會在網上宣布將於8月3日舉行《夏日聚會2025》活動，屆時她將以全新造型現身外，更和「小菲象（歌迷暱稱）」在酒店食自助餐及玩互動遊戲，而入場費分別為成人價$680，而學生則再減「兩舊」即480港幣，可以玩足3小時，聚會目的是趁炎炎夏目，給莘莘學生留個難忘暑假。姚焯菲為學生小菲象減至480蚊，就可以去Fans Meeting玩足3小時。講到明會以全新造型現身。早前她偕鍾柔美及詹天文假廣州舉行演唱會時，以壓軸身份獨唱，將現場氣氛推到最高點，除跳唱近年派台的單曲《Dreamscape》及《New Fantasy》外，亦唱出多首初出道時的舊作，包括當年參加無綫歌唱比賽《聲夢傳奇》中演唱過的《遇見》，網民不禁大讚「幾年後Chantel唱番呢首歌，感覺唔同晒，大個女啦」、「終於明白，當年Chantel唱呢首歌會贏Gigi（炎明熹）」。入行4年的Chantel亦回顧自己的音樂旅程說：「再聽番出道作，覺得自己把聲都唔同咗，依家演繹都會有唔同感受。至於唱《初心小島》呢首歌，就係我出道幾年後一啲感覺，希望大家都會同我一樣，保持初心。」姚焯菲廣州開騷。姚焯菲最愛粉絲。小菲象出力應援。姚焯菲再唱《遇見》感覺唔同晒。