趙璧渝泰國充電心口脹卜卜　自爆驚被捉去「KK園區」

趙璧渝泰國充電心口脹卜卜　自爆驚被捉去「KK園區」藝人趙璧渝（Osanna）月初迎來36歲生日，她日前於社交網晒靚相，表示就趁住生日月來一趟隨心隨性的生日旅行，一身夏日輕鬆打扮的她，游走街頭留倩影，上身一件小可愛將豐滿上圍完美展現，相當吸睛！Osanna接受東網訪問表示飛到了曼谷旅遊數天充電，笑言於當地聽得最多是廣東話，因有不少港人也飛到曼谷旅遊，更巧遇自己的瑜伽導師班同學仔。她表示於當地吃了不少美食，當中以吃海鮮經歷最深刻：「有一間直頭係新鮮喺個水缸度游，跟住你自己用夾夾想食嘅海鮮上嚟，佢哋好生猛，完全係有啲恐怖，啲蟹好活躍，對抗性好強，所以係有啲驚，夾咗兩隻就唔夾啦，哈哈！」談到近年不時發生旅客被騙往緬甸「KK園區」囚禁事件，她直言不太擔心：「我5月中嘅時候去咗雲南拍網劇，其實嗰次仲擔心，因為西雙版納睇地圖仲近緬甸、老撾，嗰次我媽咪就真係好擔心嘅，本身我自己去，但最後媽咪決定要跟埋我一齊去，出發前佢仲叫我不如唔好去啦，當然最後係好安全，劇組都係真嘅。」她笑言當時也不敢周圍去，每當完成拍攝便立即回酒店。談到生日願望，她希望家人身體健康，開開心心，自己有更多工作機會，公司有更多製作，期望早日接到一個有發揮空間的角色，事業更上一層樓。趙璧渝曼谷旅遊扮靚靚。事業線擋唔住。趙璧渝睇到網友㷫合合。趙璧渝真係不得了。