羅家英患癌｜汪明荃坦然面對大爆最新病情：起碼有8至10年命現年78歲的羅家英，早前公開第四度罹患癌症，最新一次是前列腺癌復發。他在接受多次手術及積極治療後，選擇拒絕化療和電療，改以注射女性荷爾蒙針及服藥控制病情，醫生評估他尚有約8至9年壽命。汪明荃今晚出席粵劇首演。（陳順禎攝）汪明荃（阿姐）今日（18/7）現身西九龍文化區戲曲中心出席粵劇《新龍門客棧》西九首演。阿姐接受《香港01》訪問時表示：「佢而家嘅情況唔係想像中咁嚴重，佢起碼有8至10年嘅命，唔係咁緊張嘅，反而我都好輕鬆咁面對，其實都冇得驚，大家放心。（佢而家聽唔聽話？）佢好啲。（飲食方面？）就好差，佢啲糖尿好高，而家要打針。（佢有冇戒口？）梗係冇啦，你哋見到佢要提吓佢，我自己都照顧唔掂自己。（有冇話想同佢去邊度環遊世界？）11月份係同佢去不丹拍外景，到時睇吓點人哋點幸福囉。（家英哥積極接受治療？）其實佢都配合醫生。（冇放棄治療？）冇，有得睇醫生先好嘛。」汪明荃透露羅家英最新病情。（陳順禎攝）
羅家英患癌｜汪明荃坦然面對大爆最新病情：起碼有8至10年命
