王敏奕趁打風黐餐　佘詩曼一落8號波即刻開工

王敏奕趁打風黐餐　佘詩曼一落8號波即刻開工藝人佘詩曼、王敏奕、李施嬅等現時正趕拍無綫新劇《新聞女王2》，之前掛3號風球時，她們都要為外景拍攝，有網民更分別於銅鑼灣避風塘及機場拍到阿佘及敏奕在開工，事後，掛上10號風球後，敏奕更於社交平台PO出一碗熱騰騰的湯米相片，並配文:「多謝女神媽媽&女神charmaine_sheh 10號風球食到家嘅味道，好好味呀！」原來敏奕打風期間去了阿佘屋企黐餐，更為佘媽親自下廚煮米粉給她們品嘗，認真幸福。不過，昨晚落了8號風球後，二人又隨即出動開工，阿佘PO坐車出發相並配文:「咩叫趕戲！就係一落波就要即刻去化妝開工！」至於敏奕亦PO出正在化妝的相片配文：「落波開工，刻不容緩」，相當專業。佘詩曼、王敏奕於3號風球時，已被發現拍外景。10號波食好西？原來係王敏奕趁打風上佘詩曼屋企黐餐。之後都係要齊齊開工。佘詩曼一落波就要即刻去化妝開工。此外，日前是文頌嫻的生日，一班好姊妹周家蔚、梁靖琪及湯盈盈為她慶祝，四女拿着壽包互餵，非常開心，不過阿佘卻因要開工故不能前往，昨日惟有於社交網PO出與文頌嫻的舊合照留言：「因為趕緊戲，所以今年同唔到你過生日，攞番張舊相頂住先，出年先同你慶祝50大壽！」因為拍劇，佘詩曼都去唔到文頌嫻生日P。好在都有周家蔚、梁靖琪及湯盈盈陪。