周驄設靈｜羅蘭憶故友一度哽咽：明白有啲病冇得醫香港資深演員周驄（原名冼錦榮）於2025年7月4日因肺炎離世，享年92歲。喪禮今日（22/7）於紅磡世界殯儀館舉行，讓親友作最後道別。羅蘭憶故友一度哽咽。（陳順禎攝）羅蘭接受《香港01》訪問時憶起故友周驄一度哽咽：「記得以前大家二十幾歲一齊拍嘢，人生你可以話好短，亦可以話好長又得，總之在生一日要做好自己。（同周驄叔有咩難忘事？）記得拍黑白片嘅時候已經係同驄叔一齊拍，而近呢幾年都有同驄叔拍TVB嘅劇，當時見佢都好大隻，係冇咁弱。唔知係咪而家啲空氣唔好，好多人都驗到唔好嘅病，同埋有啲人又話自己周身病，希望每個人都要保重。千祈唔好亂食嘢，有啲人會話食又會死，唔食又會死，我覺得唔係㗎，係要小心啲食。（係咪好唔捨得老友離世？）頭先望到驄叔張相⋯⋯⋯佢唔係似咁嘅年歲，但冇辦法，明白有啲病冇得醫，希望大家個個都保重。」羅蘭行動不便要由張國強攙扶着。（陳順禎攝）
周驄設靈｜羅蘭憶故友一度哽咽：明白有啲病冇得醫
