周驄設靈｜鍾志光稱周驄過身前一晚見過面：儀器不停跳感覺到我哋香港資深演員周驄（原名冼錦榮）於2025年7月4日因肺炎離世，享年92歲。喪禮今日（22/7）於紅磡世界殯儀館舉行，讓親友作最後道別。周驄生前好友鍾志光傍晚近6時，身穿素服現身靈堂悼念。周驄設靈。（陳順禎攝）鍾志光接受《香港01》訪問時表示：「據悉驄叔係中咗新冠肺炎入院，初期係冇乜事，到後期又再中一次。變咗好多時候老人家最後都影響到個肺。至於關於佢嘅病情屋企人會比較清楚。（有冇見到最後一面？）記得喺佢過身前一晚，我喺TVB開工，收工後同蘇恩礠同另外啲同事去睇佢。當時同我之前睇佢唔同，始終情況轉差，佢係感覺到我哋嚟，因為我哋見到啲儀器不停咁跳動，佢係有感覺，但就冇我之前咁樣同佢對話，之前佢係好精神，佢自己坐喺度睇報紙都得，明白年紀大佢已經好好嘢，前輩嘅離去，我哋都好傷感。」鍾志光透露在周驄過身前一晚見過面。（陳順禎攝）鍾志光現身靈堂致哀。（陳順禎攝）
周驄設靈｜鍾志光稱周驄過身前一晚見過面：儀器不停跳感覺到我哋
