朱智賢街巿買餸被認出　獲送葱示愛

朱智賢街巿買餸被認出　獲送葱示愛HOY飲食競技節目《領廚爭霸戰》最近播出，兩位隊長李尚正（阿正）與盧頌恩（妹恩）分別率領隊員到街市買菜準備作賽，前者隊員有陳思圻（Vicky）及朱智賢（朱朱），後者隊員有利穎怡（Joan）及游莨維（一蚊Joe）。阿正笑言今次是第一次和妹頭拆夥：「好少機會同公司以外嘅同事合作，所以好珍惜今次機會，我今朝特登洗完頭再出嚟。」朱朱即問是否跟妹頭開工不洗頭，阿正立刻說：「我平時係夜晚洗頭，因為今朝比較遲開工，所以我朝早洗頭。」陳思圻（中）、朱智賢（右）和李尚正走入街巿。阿正指朱朱是明星，買菜會否不會講價？朱朱坦言：「我平時去街市冇人知我係邊個，因為我冇化妝，就算化咗妝都唔係好認得。我會戴帽、眼鏡同口罩，最好唔認得我。試過有人問我係咪朱小姐，我真係想話我唔係。我試過去買葱，我問幾多錢，老闆諗咗一吓，就話送畀我，搞到我好唔好意思。」阿正搞笑謂：「既然送咗葱，你問佢可唔可以再送瓜。佢係咪向你示愛？」朱朱笑說：「示愛送葱都幾特別喎！」利穎怡、游莨維和盧頌恩買餸。此外，朱朱又爆Vicky要買兩款雞翼時跟老闆說：「她同人講要『起雙飛』，去買鹹蛋又問人係咪賣鹹鴨蛋。」Vicky一臉無辜說：「係你哋教我架！」現場有街坊路過大讚Vicky樣子年輕：「上電視好成熟。」一旁的朱朱笑言還好說成熟，不是老。