冼靖峰同場緋聞女友關楓馨　強調冇追過對方撇清三角關係

冼靖峰同場緋聞女友關楓馨　強調冇追過對方撇清三角關係藝人薛家燕、羅天宇、冼靖峰、關楓馨、何沛珈在將軍澳電視城宣傳新節目《玩轉粵東粵北懶人包》。冼靖峰在節目中狂食雞，其中1餐更被記錄得狂吃了10多件雞，他笑說：「因為做緊gym，所以先食咁多雞，食到肚滿腸肥，今次拍攝兩個禮拜肥咗5kg，返嚟第1次去做GYM，做咗10分鐘已經頭暈，做GYM嘅街坊都話我肥咗成個碼，之後用咗1個月時間去減肥。」關楓馨在節目中要以泳裝示人，故不能放肆吃太多，她說：「佢哋男仔就冇呢方面嘅壓力可以狂食。」冼靖峰曾被指力追關楓馨，但隨住她認愛與前欖球港隊運動員徐灝晴（Hugo）拍拖，緋聞終告一段落。他表示並沒有追求過關楓馨，新聞得啖笑。關楓馨講到感情生活透露與男友拍拖1年，大家也見過對方家長，問到可有結婚計劃？她說：「順其自然，都係拍咗拖1年，唔會咁快講呢啲。」冼靖峰與關楓馨曾傳緋聞。隨關楓馨公開戀情，雙方緋聞關係終於告終。關楓馨指與男友拍拖僅1年，談婚論嫁言之尚早。冼靖峰強調從未追求過關楓馨。何沛珈事前準備了3套不同款式的泳衣拍攝浸溫泉鏡頭，可惜通通未能派上用場，因為原來是要浸熱礦泥溫泉，要穿上T-shirt進行泥漿浴拍攝，泳衣只好留待之後由妹妹操刀拍攝泳衣照。問到為何不找男友阮浩棕拍攝？她笑說：「細妹影相靚啲，同埋好尷尬，會怕醜囉。」薛家燕則笑言自薦拍攝溫泉鏡頭，但卻被大家拒絕，她笑說：「自己冇帶泳衣，諗住包毛巾去浸，可能驚大家掛住望我，唔畀我浸，惟有自己喺房浸啦。」天宇氹得家燕姐相當開心，但家燕姐指天宇拍節目斯文又害羞，天宇直言有多年沒有拍飲食節目，轉數慢半拍，要時間適應，到後期才改善。天宇講到早前被拍得與緋聞女友陳懿德和未來外母食飯，問到是否好事近？他說：「唔係，我哋成日都一齊食飯，因為深圳有生意，所以有時路過北區都會搵佢哋食飯。」問到是否要努力工作搵老婆本？他說：「做嘢緊要，都要儲錢，向家燕姐學習，作為男人都要儲返啲錢，積穀防飢。」何沛珈泳衣未能大派用場。薛家燕被羅天宇氹得好開心。羅天宇少拍飲食節目，要時間適應。