【明報即時】聲秀｜周智敏胡鴻鈞獲最高分 陳奐仁激讚「最完整演出」 周智敏跟導師胡鴻鈞合唱《永久損毀》，獲得82分。（無綫提供圖片）無綫節目《聲秀》昨晚（17日）播出一集，焦點是最高分組合—周智敏Emily和胡鴻鈞Hubert《永久損毀》，獲得82分。「心靈系導師」胡鴻鈞相當貼心，今次挑選組內年紀最小的Emily合作表演，Hubert說：「佢對於自己音樂方向，未必係最清晰？呢個環節希望我自己可以幫佢分擔喺台上面嘅壓力。」排練期間，Emily因怕醜不敢直視Hubert，她說：「我怕羞㗎嘛！」為令Emily放開自己，Hubert展示搞笑一面：「唔使咁驚我，我唔會食咗你。」鼓勵Emily跳出comfort zone。Hubert出場前亦溫柔叮囑：「有咩就望住我，I’m with you.」Emily受訪時亦大讚Hubert，並直指當Hubert朋友：「佢係好搞笑同埋好好嘅friend，佢心靈指導咗我好多。我感受到『賜給』我哋嘅energy同埋support。」對於Emily表現，評判陳奐仁（Hanjin）大讚「最完整嘅演出」，其他導師亦對Emily讚不絕口，舒文說：「開始把聲係好聽，都幾特別有少少地沙。」郭偉亮也說：「Emily唱嘅時候係望實你（Hubert），好似同你一齊唱埋，我覺得可以有呢個能力同時間，去顧另一個人係好難得。」（即時娛樂）
【明報即時】聲秀｜周智敏胡鴻鈞獲最高分 陳奐仁激讚「最完整演出」
