蔡潔處女下海做嘉賓　陳山聰唔畀阿仔騎劫個唱

蔡潔處女下海做嘉賓　陳山聰唔畀阿仔騎劫個唱藝人陳山聰近日在澳門舉行音樂會，並邀得女神蔡潔擔任嘉賓，而山聰的兒子Jaco亦有份上陣獻唱。蔡潔出場時大談踏台板的感受：「我記得不久之前睇一個好靚亦好優秀嘅演員，同時係好出色歌手嘅演唱會，我想像如果有一日我可以企喺台度係點呢，原來真係會好緊張又期待，我揀咗我好鍾意，對我嚟講重要嘅歌，希望你哋都可以搵到生命嗰束光–《凡星》。」除了獨唱，蔡潔又與山聰合唱《你最珍貴》。蔡潔事後受訪時，談到當晚演出，她表示:「好多年前喺澳洲讀書參加咗當地新秀，回港咁多年，有做過少數商演，去年出咗自己第一首歌，但登台機會真係唔多，尋晚正式第一次踏上演唱會舞台，第一次戴Ear Mon唱歌，真係緊張，台下面坐咗好多山聰嘅家人、朋友，仲有我嘅朋友、同事，用一個好期待又緊張嘅心情去唱。」她坦言佷感激山聰的邀請，沒想到他仍然以前的戲言：「佢第一次做《初心》音樂會，紹氏好似係得我去咗睇，當然同場仲有（陳）敏之，山聰就記住咗我，我同佢講笑話我都可以做嘉賓，我當然好想有上台機會，佢記住咗，今次仲邀請我。」她稱大感榮幸，感謝對方為她提供一個如此好的舞台給她：「我好開心，有唔少粉絲專登買飛睇支持我，好感謝佢哋，其實我只係唱咗一首半嘅歌曲，而且今次仲可以唱到我好喜歡嘅張學友嘅合唱歌，感覺好奇妙。」至於她對自己的表現給多少分？她直言不滿意：「因為冇乜經驗，加上緊張，其實我練咗好耐，出到嚟打6折，但唔緊要，在場都收到我有用心為大家演繹，希望下次做得更好。」陳山聰個唱邀得女神蔡潔擔任嘉賓。蔡潔自爆好緊張又期待。至於Jaco就由山聰介紹對方上台，山聰笑言：「有好多人專誠買飛都唔係為咗睇我一個人，好多人問我同一個問題，Jaco會唔會唱歌？佢會唱咩歌？仲有人指定要佢唱嗰首歌添！」他指原本Jaco指示他，求要兩人合唱2首歌，Jaco再獨唱2首，但被山聰否決：「你唱4首歌？雖然你係我大佬，但個騷係我，唔係你。」隨後Jaco出場，山聰坦言：「原本首唱係諗住我同佢唱，自從佢睇完個演唱會後，佢話唔得，呢首歌我自己一個人唱。」之後由Jaco獨唱林峯的《我在記憶中找你》，山聰則在旁邊看着，雖然Jaco只有5歲，但表現相當淡定，完整地唱完全首歌，網民對Jaco讚不絕口，其後父子合唱《單車》，場面溫馨。陳山聰抱住5歲Jaco上台，全場起哄。個唱大成功！佢大爆阿仔想唱4首歌，差啲騎劫佢個騷。