關曜儁投資過百萬開健身中心 為日後鋪路：近年產量比較少TVB藝員《愛‧回家》「大隻仔」關曜儁（Leo）創辦的「HEXAGON DYNAMIC ASIA」健身工作室，今日（23/8）於觀塘舉行盛大開幕儀式，獲不少圈中好友現身撐場。關曜儁投資過百萬開健身中心。（吳子生攝）關曜儁接受《香港01》訪問時表示：「其實我搞呢間公司都搞咗6年嘅時間有高有低，當中又遇上疫情嘅事故，我一直都堅持住，累積咗6年嘅經驗，今日終於可以擴充公司，再投資過百萬開一間全新嘅健身中心，今日見證開幕心情好興奮。」擴充公司！（吳子生攝）關曜儁透露加入演藝圈已有十年時間，明白近年影視製作萎縮，便將全副精神擺放在生意上：「其實我做咗教練都十年，我係雙線行咗一段時間，明白近年產量比較少，變咗我慢慢就將重心擺咗喺呢度，但嚟緊都開心，都接咗兩套劇，加上我有兩套劇準備出街，咁所以而家就好似守緊咁囉。以前就健身行業守緊，但而家就係演藝行業守緊。」關曜儁本身是一名健身教練。（吳子生攝）
關曜儁投資過百萬開健身中心 為日後鋪路：近年產量比較少
