胡敏芝怒摑謝東閔　壓力指數高：我寧願畀人打

胡敏芝怒摑謝東閔　壓力指數高：我寧願畀人打無線熱播中的劇集《麻雀樂團》，22號晚一集，飾演譚俊彥妹妹的胡敏芝（Karen）跟謝東閔的假分手戲，夠輕鬆兼爆笑，她接受訪問時，笑言拍攝時不但因要首次要打人而相當緊張，還因只得兩Take拍攝機會，令她壓力指數更高：「之前都有綵排要打邊個位，我自己係好驚嘅，因為我要打人，仲要打東閔（前輩）喎，都有啲壓力，其中一樣係驚係咁NG。」胡敏芝發揮超水準。她又說拍掌摑戲時，緊張至聲震震：「係好驚呀，我寧願畀人打咯，我都驚佢會痛。但導演就教我一個方法，話如果我要作勢打佢、想顯得大力啲，我隻手係要向後『發』過去，同埋唔好打面珠，要打下巴對上少少，咁樣會冇咁痛，但又會有聲。我自己睇預告，都覺得拍出嚟好似好大力咁，但其實我唔係好用力架咋。」其實拍攝時不容NG，因為是拍戲中戲，根據劇情東閔要撕爛預先寫好手抄的對白張，由於只得兩張，所以他只可以撕兩次、亦變相Karen只有兩次打他的機會。胡敏芝和謝東閔十分合拍。胡敏芝和謝東閔甚有默契。胡敏芝怒摑謝東閔。胡敏芝（左）和郭柏妍大鬥演技。李佳芯大晒演技。李佳芯演技精湛。譚俊彥和李佳芯擦出火花。譚俊彥和李佳芯演技母庸置疑。