古巨基帶隊西九海濱Busking　《勁歌金曲》引全場大合唱

古巨基帶隊西九海濱Busking　《勁歌金曲》引全場大合唱歌手古巨基（基仔）日前率領五隊本地Busker隊伍，包括island studio HK、spirithk、20醬、hiddenjam及chillday x ReSing，於打風兼暴曬的天氣雙重夾擊下，於西九海濱長廊進行逾2小時的戶外Busking。他向現場歡眾說：「有好多街頭演唱嘅朋友仔，佢哋好鍾意音樂嘅同時，其實亦都好有實力，希望多啲人可以認識佢哋！」雖然懸掛一號風球，但無損基仔跟Busker隊伍的熱情，下午開騷時天氣反覆，西九海濱一時狂風大作，一時又陽光普照，熱到大家汗流浹背。這次Busking安排別具心思，每隊Busker除了獨唱還各自與基仔合唱兩首歌曲，其中一首為港產片主題曲，以音樂向香港電影致敬，當中包括基仔曾獲香港電影金像獎最佳電影歌曲的《歡樂今宵》，現場氣氛一度爆熱。Busking唱到中段，天空突然出現一道彩虹，全場即時歡呼，基仔問觀眾：「大家知唔知彩虹代表乜呀？條彩虹係我哋個Show本身Book咗嚟嘅，都幾貴㗎！」引來全場大笑。活動尾聲，基仔唱出《初心》及《友共情》以作完場，但全場觀眾一齊大合唱後仍不願離去，甚至大叫Encore！基仔即笑言：「Busking真係冇準備Encore歌㗎，一首『士啤』都冇。」他最後都順應民意，問大家想聽他清唱甚麼歌？此時有Busker隊員叫他唱《勁歌金曲》，全場即時起哄，最後有求必應的基仔Encore一曲《勁歌金曲》再次引發全場大合唱，為這次Busking畫上完美句號。古巨基帶隊西九海濱Busking。有唔少歡眾捧場。熱到大家汗流浹背。嚟張大合照。