【明報即時】《喜愛夜蒲2》Re-U 沈震軒遭關楚耀封嘴︰我老婆喺度 沈震軒驚喜現身中山騷，與關楚耀合唱《Wonderland》，重演《喜愛夜蒲2》經典場面，全場歡呼。（大會提供 / 明報製圖）沈震軒（Sammy）日前到中山，為相識13年的好友關楚耀（Kelvin）擔任演唱會演出嘉賓，兩人更即場重演電影《喜愛夜蒲2》的經典場面，令全場觀眾起哄﹗Kelvin在台上獻唱電影片尾曲《Wonderland》中段時，Sammy突然現身舞台合唱。Kelvin唱完後興奮大叫：「喂！點呀！USB（沈震軒《喜愛夜蒲2》角色外號）吓嘛，哈哈！」Sammy問︰「一見到阿關，我又即刻返到去《喜愛夜蒲2》！我想問吓現場有幾多人係睇過《喜愛夜蒲2》㗎？」看見全場觀眾大聲歡叫，他再說︰「你哋曝露咗你哋嘅年齡啦，哈哈﹗」Kelvin突然感慨地說︰「講起《喜愛夜蒲》，真係好耐冇蒲喇﹗」Sammy說︰「我就唔知你，但其實我就好開心嘅…」Kelvin立即阻止他說下去︰「你小心啲，我老婆喺度。」台下觀眾捧腹大笑﹗舞台熒幕亦播出《喜愛夜蒲2》片段。Sammy騷後表示與Kelvin當年因拍攝《喜愛夜蒲2》認識，後來曾私下相約唱K，同台音樂表演則是第一次。談到兩人選唱1980至2000年的歌曲Medley，他表示這些都是他們年代的金曲，而且大部分都是他們喜歡的歌曲。Sammy說︰「我有個想法，想延續呢個回憶殺，好想同阿關再jam落去，衍生一個大啲嘅故仔！阿關有好多自己嘅歌，我好想將佢嘅歌、我嘅歌，再加埋敏之或者另一位女歌手，做一個小小嘅都市愛情故仔，串連音樂加戲劇，好似冇人做過呢樣嘢，所以依家都構思緊。」（即時娛樂）
【明報即時】《喜愛夜蒲2》Re-U 沈震軒遭關楚耀封嘴︰我老婆喺度
