張兆輝親解離開無綫原因 因1事改變人生觀藝人張兆輝日前接受新城廣播訪問。席間回憶在沙田美林邨的成長歲月，他透露經營屠宰生意的張父很嚴格，犯錯就打腳板，但教識他「承諾必守」，由於當時物質匱乏，他惟有與兄妹自創童趣：「我哋會將雪條棍製成玩具槍，又會去城門河釣魚仔，踢住個爛膠波就玩一日，嗰時開心好簡單。」年過60的張兆輝身型依然keep得不錯。18歲那年張兆輝報考TVB第11期訓練班：「去到廣播道見到好熱鬧，好多人喺到睇明星，又有古裝人上車出發去拍劇。面試時TVB高層坐滿長桌，自己好幸運從4千名競爭者中脫穎而出，後嚟同梁朝偉、周星馳、歐陽震華及關禮傑等做咗同班同學。」張兆輝到電台接受訪問。談到事業巔峰時為陪剛出生的兒子，毅然離開無綫，張兆輝謂：「差1年就滿20年金牌約，但我想多啲陪小朋友，時間可以喺自己到。」後來他轉行助妻子經營美容生意，後來又接演《大隻佬》重返影壇﹕「電影拍攝時間短，多數拍一組戲，返到屋企可以見到小朋友，讀小學時都係我接送返放學。」年過60的他身型依然keep得不錯，張兆輝透露秘訣在於每日清晨5點踩單車，熱愛潛水的他亦因這種運動而改變人生觀：「70呎海底聽唔到任何聲音，睇住啲魚群逆流而上，煩惱都會變得好渺小。」
張兆輝親解離開無綫原因 因1事改變人生觀
