《中年2》顏米羔離婚跌落低谷 認男人40「一塌糊塗」現年44歲的顏米羔去年因為參加無綫唱歌節目《中年好聲音2》摘下季軍而重拾歌手夢。他最近推出首支派台歌《烚菜》及於9月底西九舉行首次個唱《keepGOing音樂之旅》。日前接受電台訪問時，談及他和同屆三甲戰友古淖文及譚輝智都先後遭無綫安排出歌及開個唱，就連今屆「中3生」三甲都先後有歌派、有騷開，但顏米羔首支派台歌及處男騷均需自資製作。顏米羔重拾歌手夢。但顏米羔卻不覺得被無綫冷待：「起碼每星期都主持《今晚有歌廳》，出歌都有傾，公司人咁多，資源得咁多，都要有好idea先做，係我衰心急，想騷前出首歌。」選秀騷前，他形容自己是收入不穩定的Freelancer，踏入男人40生活更一塌糊塗，幸好經從前歌唱比賽戰友鼓勵參加《中》：「其實比賽前我有一段時間好唔開心，就係離婚，個人好down。踏入男人40好多嘢好躊躇，究竟我人生發生乜嘢事？點解一塌糊塗到咁？真係多謝個比賽，令我Restart，感覺就似係機器熄機再重啟！之前無諗過比賽行到幾遠，我同人講，係為贏而玩。但贏無關名次，只係要超越自己，有無贏到下一次機會，對得住自己每次響台上嘅表演。最終季軍我亦無輸，因為我贏咗自己。」顏米羔開唱在即。顏米羔與前妻是中學同學，先後於娛圈從事幕後工作，問20多年青梅竹馬的感情最終為何離婚收場，他最初說：「因為愛，所以唔想消費對方。」再追問是否前妻先提出分開，他歸咎於自己令二人關係情轉淡：「大家都認真溝通過先決定，咁耐以嚟，九成都係我問題。我啲藝術家脾氣，係愛理不理，成日話你會明啦？唔明我都費事解釋！久而久之，就變咗習慣唔溝通。大家係有共識，認為各自生活開心啲，九成都係我問題，決定係唔開心，但係令我上咗一課，反而係好事。」顏米羔曾被朋友公開追債2萬元欠款，他重申：「我無問人借錢，只係之前搵人做嘢唔記得出糧。」事後他已償還再付利息平息事件，再談風波，他承認從前發生很多問題跟性格有關：「事實係咁，我唔會話無呢件事。呢次係對我好好嘅一課，要即刻解決問題。以前嘅我，成日諗住『轉頭先』，但之後拖吓就唔記得咗，到人哋第二次提就會嬲啦，呢課係幾慘痛。」他承認婚姻出現問題，情況也相同：「係，都可以咁講，追求歌唱夢都係咁，等吓等吓就40幾歲，所以依家唔想再等，想做就去做。」
《中年2》顏米羔離婚跌落低谷 認男人40「一塌糊塗」
